NDB வங்கியானது இலங்கையின் சிறிய மற்றும் நடுத்தர நிறுவனங்கள் (SMEகள்) மற்றும் மறைமுக ஏற்றுமதியாளர்களை மேம்படுத்துவதற்கான தொடர்ச்சியான முயற்சியாக, நாட்டின் விளையாட்டுப் பொருட்கள் உற்பத்தித் துறையில் வளர்ந்து வரும் நிறுவனமான Khanthmi Sports Workshop & Exports நிறுவனத்திற்கான கடன் வசதியை நீடித்துள்ளது. இந்த கடன் வசதியானது தேசிய கடன் உத்தரவாத நிறுவனத்தின் (NCGI) கடன் உத்தரவாதத் திட்டத்தின் கீழ் வழங்கப்பட்டதுடன் இது உத்தரவாதம் (பிணையம்) என்ற வழக்கமான நிபந்தனைகள் இல்லாமல் செயல்பாடுகளை விரிவுபடுத்த உதவுகிறது. 

உயர்தர கிரிக்கெட் மட்டைகளின் உற்பத்தி மற்றும் மறைமுக ஏற்றுமதியில் ஈடுபட்டுள்ள Khanthmi Sports Workshop & Exports, அண்மையில் அதன் வளர்ச்சி மற்றும் புதுமைப் பயணத்தில் ஒரு முக்கியமான மைல்கல்லாக அதன் புதிய பட்டறையைத் திறந்தது.இந்த விரிவாக்கமானது உற்பத்தித் திறனை மேம்படுத்துவதற்கும் உலகளாவிய விளையாட்டு உபகரண விநியோகச் சங்கிலியில் இலங்கையின் இருப்பை வலுப்படுத்துவதற்கும் ஒரு குறிப்பிடத்தக்க பங்கினை வழங்குகிறது. 

NDB வங்கியானது நிதிக்கு பிணை இல்லாத அணுகலை வழங்கும் NCGI உத்தரவாத பொறிமுறையைப் பயன்படுத்துவதன் மூலம், தொழில்முனைவோர் மற்றும் SME- களுக்கு உள்ளடக்கிய வழிகளை உருவாக்குவதற்கான அதன் உறுதிப்பாட்டை மீண்டும் உறுதிப்படுத்தியுள்ளது. இந்த ஆதரவானது, Khanthmi Sports போன்ற வர்த்தகங்கள் தமது வளங்களை அளவிடுதல், நவீன தொழில்நுட்பத்தை ஏற்றுக்கொள்வது மற்றும் ஏற்றுமதி வளர்ச்சிக்கு பங்களிப்பதை நோக்கமாகக் கொண்டு, அதிகரித்து வரும் போட்டி சந்தையில் மீள்தன்மையை உருவாக்க உதவுகிறது. 

இந்த முயற்சி தொடர்பாக NDB இன் பிரதிநிதி ஒருவர் கருத்து தெரிவிக்கையில், 

“NDB எப்போதும் SME-கள் மற்றும் ஏற்றுமதியாளர்களை இலங்கையின் பொருளாதாரத்தின் முக்கிய இயக்கிகளாக அங்கீகரித்துள்ளது. NCGI உடனான எமது பங்குடைமையானது, அவர்களின் முழு திறனை அடைய உந்துதல் தேவைப்படும் வர்த்தகங்களுக்கு சரியான நேரத்தில் மற்றும் பயனுள்ள நிதி ஆதரவை வழங்க அனுமதிக்கிறது. Khanthmi Sports Workshop & Exports தொடர்ந்து வளர்ச்சியடைந்து , புதுமைகளைப் புகுத்தி, இலங்கையின் விளையாட்டு பாரம்பரியத்தை சர்வதேச சந்தைகளுக்கு எடுத்துச் செல்வதால், ​​அவர்களுடன் நிற்பதில் நாம் பெருமிதமடைகிறோம்.” 

NDB வங்கியானது இந்தப் பங்குடைமை மூலம், தொழில்முனைவோரை வளர்ப்பதற்கும், சிறிய மற்றும் நடுத்தர நிறுவனங்களை மேம்படுத்துவதற்கும், இலங்கையின் ஏற்றுமதிப் பொருளாதாரத்தை வலுப்படுத்துவதற்கும் அர்ப்பணிப்புடன் செயல்படும் ஒரு தேசத்தைக் கட்டியெழுப்பும் வங்கியாக தனது பங்கைத் தொடர்ந்து நிரூபித்து வருகிறது. NCGI போன்ற புதுமையான ஒத்துழைப்புகளுடன், நிலையான பொருளாதார முன்னேற்றத்தை முன்னெடுப்பதற்கும், நாட்டின் நீண்டகால செழுமைக்கு பங்களிக்கும் வர்த்தகங்களை ஆதரிப்பதற்கும் வங்கி உறுதி பூண்டுள்ளது. 

இலங்கையில் பட்டியலிடப்பட்ட நான்காவது பெரிய வணிக வங்கி NDB வங்கியாகும். 2025 ஆம் ஆண்டுக்கான யூரோமணி விருதுகளுக்கான சிறப்பு விருதுகளில், SME-களுக்கான இலங்கையின் சிறந்த டிஜிட்டல் வங்கியாக NDB பெயரிடப்பட்டது, மேலும் 2024 ஆம் ஆண்டுக்கான ஆசிய வங்கி மற்றும் நிதி இதழ் (சிங்கப்பூர்) விருதுகளால் ஆண்டின் உள்நாட்டு சில்லறை வங்கி - இலங்கை மற்றும் இலங்கை உள்நாட்டு திட்ட நிதி வங்கி விருதை வென்றது. NDB ஆனது NDB குழுமத்தின் தாய் நிறுவனமாகும், இதில் மூலதன சந்தை துணை நிறுவனங்கள் ஒன்றாக இணைந்து ஒரு தனித்துவமான வங்கி மற்றும் மூலதன சந்தை சேவைகள் குழுவை உருவாக்குகின்றன. டிஜிட்டல் வங்கி தீர்வுகளால் இயக்கப்படும் அர்த்தமுள்ள நிதி மற்றும் ஆலோசனை சேவைகள் மூலம் தேசத்தையும் அதன் மக்களையும் மேம்படுத்த வங்கி உறுதிபூண்டுள்ளது.