இலங்கை கிரிக்கெட் நிறுவனம் முதன் முறையாக நடத்த ஏற்பாடு செய்துள்ள ‘லங்கா T10 சுப்பர் லீக்’ போட்டிகள் அனைத்தும் பல்லேகல சர்வதேச மைதானத்தில் நடைபெறும் என இலங்கை கிரிக்கெட் நிறுவனம் இன்று (06) அறிவித்துள்ளது.

உள்நாட்டு மற்றும் வெளிநாட்டு கிரிக்கெட் நட்சத்திரங்கள் பலர் இணைந்து கொள்ளும் ‘லங்கா T10 சுப்பர் லீக்’ போட்டிகள் டிசம்பர் 12 ஆம் திகதி முதல் 22 ஆம் திகதி வரை நடைபெறும்.

Colombo ஸ்டிரைக்கர்ஸ், Galle மார்வெல்ஸ், Jaffna டைட்டன்ஸ், Kandy போல்ட்ஸ், Hambantota பங்களா டைகர்ஸ் மற்றும் Negambo பிரேவ்ஸ் ஆகிய அணிகள் போட்டியிடுகின்றன.

போட்டிக்கான வீரர்கள் தேர்வு எதிர்வரும் 10 ஆம் திகதி கொழும்பில் நடைபெற உள்ளது.

ஒவ்வொரு அணியிலும் அதிகபட்சமாக 17 வீரர்கள் இருக்க வேண்டும், மேலும் ஒவ்வொரு அணியிலும் குறைந்தபட்சம் 15 வீரர்கள் இருக்க வேண்டும்.

மேலும், ஒவ்வொரு அணியிலும் 7 சர்வதேச வீரர்கள் இருக்க வேண்டும் என்று இலங்கை கிரிக்கெட் நிறுவனம் தெரிவித்துள்ளது.