விளையாட்டு
ரோகித் சர்மா புதிய சாதனை

Apr 24, 2025 - 10:08 AM -

0

ரோகித் சர்மா புதிய சாதனை

ஐதராபாத்தில் நேற்று (24) நடந்த ஐ.பி.எல். தொடரின் 41 ஆவது லீக் ஆட்டத்தில் சன்ரைசர்ஸ் ஐதராபாத், மும்பை இந்தியன்ஸ் அணிகள் மோதின.

 

முதலில் துடுப்பெடுத்தாடிய ஐதராபாத் அணி 20 ஓவரில் 8 விக்கெட்டுக்கு 143 ஓட்டங்களை எடுத்தது. அந்த அணியின் கிளாசன் அரை சதம் கடந்து 71 ஓட்டங்களில் ஆட்டமிழந்தார். அபினவ் 43 ஓட்டங்களில் ஆட்டமிழந்தார். அடுத்து ஆடிய மும்பை அணி 15.4 ஓவரில் 3 விக்கெட்டுக்கு 146 ஓட்டங்கள் எடுத்து அபார வெற்றி பெற்றது.

 

தொடக்க ஆட்டக்காரர் ரோகித் சர்மா அதிரடியாக ஆடி அரை சதம் கடந்து 70 ஓட்டங்களில் ஆட்டமிழந்தார்.

 

இந்நிலையில், ரோகித் சர்மா டி20 கிரிக்கெட்டில் மகத்தான சாதனை ஒன்றை படைத்துள்ளார்.

 

இதுவரை 456 டி20 போட்டிகளில் விளையாடியுள்ள ரோகித் சர்மா 12,000 ஓட்டங்களை கடந்த 8 ஆவது வீரராக உள்ளார்.

 

இந்தப் பட்டியலில் முதல் இடத்தில் வெஸ்ட் இண்டீஸ் அணியின் கிரிஸ் கெயில் 463 போட்டிகளில் விளையாடி 14,562 ஓட்டங்களை குவித்து முதல் இடத்தில் இருக்கிறார்.

 

இந்திய வீரர்களின் வரிசையில் விராட் கோலி 407 போட்டிகளில் விளையாடி 13,208 ஓட்டங்கள் குவித்து ஐந்தாவது இடத்தில் இருக்கிறார் என்பதும் குறிப்பிடத்தக்கது.

Comments
0

MOST READ
01
02
03
04
05