Apr 24, 2025 - 11:51 PM -
0
இந்தியன் பிரீமியர் லீக் (IPL) தொடரில் பெங்களூரு சின்னசாமி மைதானத்தில் ராஜஸ்தான் ரோயல்ஸ் அணிக்கு எதிராக இன்று (24) இடம்பெற்ற போட்டியில் ரோயல் செலஞ்சர்ஸ் பெங்களூரு அணி 11 ஓட்டங்களால் வெற்றிபெற்றுள்ளது.
ஐபிஎல் தொடரின் 42ஆவது லீக் போட்டியாக இடம்பெற்ற இப்போட்டியில், நாணய சுழற்சியில் வெற்றி பெற்ற ராஜஸ்தான் ரோயல்ஸ் அணி முதலில் களத்தடுப்பில் ஈடுபட தீர்மானித்தது.
அதற்கமைய, முதலில் துடுப்பெடுத்தாடிய ரோயல் செலஞ்சர்ஸ் பெங்களூரு அணி 20 ஓவர்கள் நிறைவில் 5 விக்கெட்டுக்களை இழந்து 205 ஓட்டங்களை பெற்றுக்கொண்டது.
அவ்வணி சார்பாக விராட் கோஹ்லி 70 ஓட்டங்களையும் படிக்கல் 50 ஓட்டங்களையும் பெற்றுக்கொடுத்தனர்.
ராஜஸ்தான் ரோயல்ஸ் அணியின் பந்துவீச்சில் சந்தீப் சர்மா இரண்டு விக்கெட்டுக்களை கைப்பற்றினார்.
இதனைத் தொடர்ந்து 177 என்ற வெற்றி இலக்கை நோக்கிய களமிறங்கிய ராஜஸ்தான் ரோயல்ஸ் அணி 20 ஓவர்களில் 9 விக்கெட்டுக்களை இழந்து 194 ஓட்டங்களை மாத்திரமே பெற்று 11 ஓட்டங்களால் தோல்வியைத் தழுவியது.
ராஜஸ்தான் ரோயல்ஸ் அணி சார்பாக ஜெய்ஷ்வால் 49 ஓட்டங்களையும், துருவ் ஜூரெல் 47 ஓட்டங்களையும் பெற்றுக்கொடுத்தனர்.
ரோயல் செலஞ்சர்ஸ் பெங்களூரு அணியின் பந்துவீச்சில் ஜோஷ் ஹசல்வுட் 4 விக்கெட்டுக்களையும் க்ருணல் பாண்டியா 2 விக்கெட்டுக்களையும் கைப்பற்றினர்.
இந்த வெற்றியின் ஊடாக ரோயல் செலஞ்சர்ஸ் பெங்களூரு அணி 12 புள்ளிகளைப் பெற்று புள்ளிப்பட்டியலில் மூன்றாவது இடத்திற்கு முன்னேறியுள்ளமை குறிப்பிடத்தக்கது.

