இந்தியன் பிரீமியர் லீக் (IPL) தொடரில் டெல்லி கெப்பிடல்ஸ் அணிக்கு எதிராக இன்று (27) டெல்லியில் இடம்பெற்ற போட்டியில் ரோயல் செலஞ்சர்ஸ் பெங்களூரு அணி 6 விக்கெட்டுக்களால் வெற்றிபெற்றுள்ளது. 

ஐபிஎல் தொடரின் 46ஆவது லீக் போட்டியாக இடம்பெற்ற இப்போட்டியில், நாணய சுழற்சியில் வெற்றி பெற்ற ரோயல் செலஞ்சர்ஸ் பெங்களூரு அணி முதலில் களத்தடுப்பில் ஈடுபட தீர்மானித்தது. 

அதற்கமைய, முதலில் துடுப்பெடுத்தாடிய டெல்லி கெப்பிடல்ஸ் அணி 20 ஓவர்கள் நிறைவில் 8 விக்கெட்டுக்களை இழந்து 162 ஓட்டங்களை பெற்றுக்கொண்டது. 

அவ்வணி சார்பாக கே.எல்.ராகுல் 41 ஓட்டங்களையும் ட்ரிஸ்டன் ஸ்டப்ஸ் 34 ஓட்டங்களையும் பெற்றுக்கொடுத்தனர். 

ரோயல் செலஞ்சர்ஸ் பெங்களூரு அணியின் பந்துவீச்சில்​ புவனேஸ்வர் குமார் 3 விக்கெட்டுக்களையும் ஜோஷ் ஹசல்வுட் 2 விக்கெட்டுக்களையும் வீழ்த்தினர். 

இதனைத் தொடர்ந்து 163 என்ற வெற்றி இலக்கை நோக்கிய களமிறங்கிய ரோயல் செலஞ்சர்ஸ் பெங்களூரு அணி 18.3 ஓவர்களில் 4 விக்கெட்டுக்களை இழந்து வெற்றி இலக்கை அடைந்தது. 

ரோயல் செலஞ்சர்ஸ் பெங்களூரு அணி சார்பாக க்ருணல் பாண்டியா ஆட்டமிழக்காமல் 73 ஓட்டங்களையும், விராட் கோஹ்லி 51 ஓட்டங்களையும் பெற்றுக்கொடுத்தனர். 

டெல்லி கெப்பிடல்ஸ் அணியின் பந்துவீச்சில் அக்‌ஷர் பட்டேல் 2 விக்கெட்டுக்களையும் துஸ்மந்த சமீர 1 விக்கெட்டுக்களையும் கைப்பற்றினர். 

இந்த வெற்றியின் ஊடாக ரோயல் செலஞ்சர்ஸ் பெங்களூரு அணி 14 புள்ளிகளைப் பெற்று புள்ளிப்பட்டியலில் முதலிடத்திற்கு முன்னேறியுள்ளமை குறிப்பிடத்தக்கது.