மும்பை இந்தியன்ஸ் அணிக்காக அதிக விக்கெட்டுகளை வீழ்த்திய லசித் மாலிங்கவின் சாதனையை பும்ரா முறியடித்துள்ளார். 

மும்பை வான்கடே மைதானத்தில் 45-வது லீக் ஆட்டத்தில் மும்பை இந்தியன்ஸ், லக்னோ சூப்பர் ஜெயன்ட்ஸ் அணியுடன் மோதியது. 

இப்போட்டியில் நாணய சுழற்சியில் வென்ற லக்னோ அணி பந்துவீச்சை தேர்வு செய்தது. இதன்படி முதலில் களமிறங்கிய மும்பை இந்தியன்ஸ் அணி 20 ஓவர் முடிவில் 7 விக்கெட் இழப்புக்கு 215 ஓட்டங்களை பெற்றது. 

இதனையடுத்து, 216 ஓட்டங்கள் என்ற வெற்றி இலக்கை நோக்கி பதிலுக்கு துடுப்பாடிய லக்னோ அணி 19 ஆவது ஓவரில் 161 ஓட்டங்களை எடுத்த நிலையில் சகல விக்கெட்டுக்களையும் இழந்து. 

இதன்மூலம் 54 ஓட்டங்கள் வித்தியாசத்தில் மும்பை இந்தியன்ஸ் அணி வெற்றி பெற்றது. 

இப்போட்டியில் சிறப்பாக பந்து வீசிய பும்ரா 4 விக்கெட்டுகளை வீழ்த்தினார். 

இதன்மூலம் மும்பை இந்தியன்ஸ் அணிக்காக அதிக விக்கெட்டுகளை வீழ்த்திய லசித் மாலிங்கவின் சாதனையை பும்ரா முறியடித்துள்ளார். 

மும்பை அணிக்காக பும்ரா இதுவரை 174 விக்கெட்டுகளை வீழ்த்தியுள்ளார். இதற்கு முன்பாக மும்பை அணிக்காக லசித் மாலிங்க 170 விக்கெட்டுகளை வீழ்த்தியிருந்ததே சாதனையாக இருந்தது.