நடப்பு ஐ.பி.எல். தொடரின் 50 ஆவது லீக் ஆட்டம் ஜெய்ப்பூரில் நேற்று (01) நடந்தது. இதில் ராஜஸ்தான் ராயல்ஸ், மும்பை இந்தியன்ஸ்அணிகள் மோதின.

முதலில் துடுப்பெடுத்தாடிய செய்த மும்பை அணி 20 ஓவரில் 217 ஓட்டங்கள் எடுத்தது. தொடர்ந்து ஆடிய ராஜஸ்தான் அணி அனைத்து விக்கெட்டுகளையும் 117 ஓட்டங்களை பெற்றது. இதன்மூலம் மும்பை அணி 100 ஓட்டங்கள் வித்தியாசத்தில் அபார வெற்றி பெற்றது.

இந்நிலையில், மும்பை இந்தியன்ஸ் வீரர் சூர்யகுமார் யாதவ் இந்த ஆட்டத்தில் 48 ஓட்டங்களை சேர்த்தார்.

நடப்பு தொடரில் களம் இறங்கிய 11 ஆட்டங்களிலும் சூர்யகுமார் யாதவ் 25 ஓட்டங்களை மேல் எடுத்துள்ளார். இதன்மூலம் ஐ.பி.எல்லில் தொடர்ந்து 11 ஆட்டங்களில் குறைந்தது 25 ஓட்டங்களை எடுத்த முதல் வீரர் என்ற சாதனையை படைத்தார்.

இதற்கு முன் 2014 ஆம் ஆண்டில் ராபின் உத்தப்பா கொல்கத்தா அணிக்காக 10 ஆட்டங்களில் தொடர்ந்து 25 ஓட்டங்களை எடுத்ததே சாதனையாக இருந்தது.

நடப்பு ஐ.பி.எல்லில் சூர்யகுமாரின் ஓட்டங்களின் எண்ணிக்கை 467 ஆக உயர்ந்தது. இதையடுத்து, அதிக ஓட்டங்களை பெற்றதற்காக வழங்கப்படும் ஆரஞ்சு நிற தொப்பியை குஜராத்தின் சாய் சுதர்சனிடம் (456 ஓட்டங்கள்) இருந்து தட்டிப் பறித்தார்.