85 கிலோகிராம் எடைக்கு குறைந்த நியூசிலாந்து மற்றும் இலங்கை அணிகளுக்கு இடையேயான முதலாவது ரக்பி போட்டி இன்று இடம்பெறுகிறது. 

இந்தப் போட்டி கண்டியில் உள்ள நிடத்தவெல மைதானத்தில் மாலை 4 மணிக்குத் ஆரம்பமாகிறது. 

கொழும்பில் கடந்த 19 ஆம் திகதி இடம்பெற்ற 2025 ஆசிய ரக்பி சம்பியன்ஷிப்பின் பிளே-ஆஃப் போட்டியில் இலங்கை அணி, மலேசியாவை 59-19 என்ற கணக்கில் தோற்கடித்தது. 

இந்நிலையில், இலங்கை ரக்பி அணிக்கு நயிஜல் ரத்வத்தே தலைமை தாங்கும் நிலையில், நியூசிலாந்து அணியின் தலைவராக ஹெரட் பெர்சிவல் செயற்படவுள்ளார். 

1955 ஆம் ஆண்டுக்குப் பிறகு நியூசிலாந்து ரக்பி அணி இலங்கையில் விளையாடுவது இதுவே முதல் முறை என்பது குறிப்பிடத்தக்கது.