இலங்கை, இந்தியா மற்றும் தென்னாபிரிக்க மகளிர் அணிகளுக்கு இடையில் இடம்பெற்ற முத்தரப்பு ஒருநாள் தொடரின் இறுதிப் போட்டியில் இலங்கை அணியை வீழ்த்தி இந்திய மகளிர் அணி வெற்றி பெற்றுள்ளது. 

கொழும்பு ஆர்.பிரேமதாச மைதானத்தில் இடம்பெற்ற குறித்த போட்டியில் நாணய சுழற்சியில் வெற்றி பெற்ற இந்திய மகளிர் அணி முதலில் துடுப்பெடுத்தாடி 50 ஓவர்களில் 7 விக்கெட்டுக்களை இழந்து 342 ஓட்டங்களைப் பெற்றுக்கொண்டது. 

இந்திய மகளிர் அணி சார்பாக ஸ்மிருதி மந்தனா 116 ஓட்டங்களையும், Harleen Deol 47 ஓட்டங்களை பெற்றுக்கொடுத்தனர். 

இதனையடுத்து, 343 என்ற வெற்றி இலக்கை நோக்கி களமிறங்கிய இலங்கை மகளிர் அணி 48.2 ஓவர்களில் சகல விக்கெட்டுக்களையும் இழந்து 245 ஓட்டங்களை மாத்திரமே பெற்று தோல்வியடைந்தது. 

இலங்கை மகளிர் அணி சார்பாக சமரி அத்தப்பத்து 51 ஓட்டங்களையும், நிலக்ஷிகா சில்வா 48 ஓட்டங்களையும் பெற்றுக்கொடுத்தனர். 

இந்திய அணியின் பந்துவீச்சில் ஸ்னேஹா ராணா 4 விக்கெட்டுக்களைக் கைப்பற்றினார்.