2015 ஆம் ஆண்டு ஜனாதிபதித் தேர்தலின் போது கஹவத்தையில், அப்போதைய ஜனாதிபதி வேட்பாளர் மைத்திரிபால சிறிசேனவின் அரசியல் பேரணியின் போது துப்பாக்கிப் பிரயோகம் நடத்தி, சாந்த தொடங்கொட என்ற நபரைக் கொலை செய்த குற்றத்திற்காக மரண தண்டனை விதிக்கப்பட்ட முன்னாள் அமைச்சர் பிரேமலால் ஜயசேகர உள்ளிட்ட நான்கு பேரை விடுவித்த மேல்முறையீட்டு நீதிமன்றத்தின் தீர்ப்பை ரத்து செய்யக் கோரி தாக்கல் செய்யப்பட்ட மேல்முறையீட்டு மனுவை விசாரிக்க உயர் நீதிமன்றம் இன்று அனுமதி வழங்கியுள்ளது. 

இந்தச் சம்பவத்தால் பாதிக்கப்பட்டவர்களின் தரப்பு, குறித்த மேல்முறையீட்டு மனுவை உயர் நீதிமன்றத்தில் தாக்கல் செய்திருந்தது. 

இன்று மனுவைப் பரிசீலித்த பின்னர், நீதிபதிகள் ஜனக் டி சில்வா, பிரியந்த பெர்னாண்டோ, மற்றும் சம்பத் அபேகோன் ஆகியோர் அடங்கிய உயர் நீதிமன்றத்தின் மூன்று நீதிபதிகள் கொண்ட அமர்வு இந்த உத்தரவைப் பிறப்பித்தது. 

பின்னர், மனுவின் விசாரணை 2026 பெப்ரவரி 13 ஆம் திகதி வரை ஒத்திவைக்கப்பட்டது. 

பிரேமலால் ஜயசேகர உள்ளிட்ட குற்றவாளிகளை அனைத்துக் குற்றச்சாட்டுகளில் இருந்தும் விடுதலை செய்த மேல்முறையீட்டு நீதிமன்றத்தின் தீர்ப்பு சட்டத்திற்கு முரணானது என பாதிக்கப்பட்டவர்களின் தரப்பு தெரிவித்துள்ளது. 

அதன்படி, அந்தத் தீர்ப்பை ரத்து செய்து, குற்றவாளிகளுக்கு மேல் நீதிமன்றம் விதித்த மரண தண்டனையை மீண்டும் உறுதி செய்ய வேண்டும் என மேன்முறையீட்டில் கோரப்பட்டுள்ளது.