Industrial Expo – Sri Lanka 2025 நிகழ்வின் உத்தியோகபூர்வ குடிநீர் பங்காளராக American Premium Water தொடர்ச்சியான மூன்றாவது வருடமாகவும் கைகோர்த்திருந்தது. அண்மையில் ஏற்பாடு செய்யப்பட்ட இந்த நிகழ்வில் சுமார் 150,000 க்கும் அதிகமான விருந்தினர்கள் பங்கேற்றிருந்ததுடன், 500 க்கும் மேற்பட்ட காட்சிகூடங்கள் அடங்கியிருந்தன. இலங்கையின் தொழில்முயற்சியாளர்கள் மற்றும் சிறிய, நடுத்தரளவு தொழில்முயற்சியாண்மை புத்தாக்கத்தை வெளிப்படுத்துவதாக இந்த நிகழ்வு முன்னெடுக்கப்பட்டது. 

American Premium Water இலங்கையின் குடிநீர் தொழிற்துறையில் முன்னோடி எனும் தனது நிலையை மேலும் உறுதி செய்து, வியாபாரங்கள், சமூகங்கள் மற்றும் நுகர்வோருக்கு வலுவூட்டும் கட்டமைப்புகளுக்கு ஆதரவளிப்பதற்கான தனது அர்ப்பணிப்பை மேலும் உறுதி செய்திருந்தது. இந்தப் பங்காண்மையினூடாக, புத்தாக்கம், நிலைபேறாண்மை மற்றும் வாடிக்கையாளர் ஈடுபாடு போன்றவற்றுக்கான தனது அர்ப்பணிப்பையும் வர்த்தக நாமம் வெளிப்படுத்தியிருந்தது. 

இந்த நிகழ்வின் போது “Hotter the Week, Cooler the Deal” எனும் தொனிப்பொருளில் புத்தாக்கமான வெப்பநிலை அடிப்படையிலான ஊக்குவிப்புத் திட்டமொன்றை American Premium Water அறிமுகம் செய்திருந்தது. கண்காட்சி வாரத்தில் கொழும்பில் பதிவாகியிருந்த அதியுயர் வெப்பநிலை 31°C ஐ எய்தியிருந்தது. அதன் பிரகாரம் இந்தச் சலுகை தீர்மானிக்கப்பட்டது. விருந்தினர்களுக்கு நிகழ்வின் போது நீர்சார் தீர்வுகளில் 31 சதவீத விலைக்கழிவை பெற்றுக் கொள்ள முடிந்தது. அதனூடாக, பிரத்தியேகமான நினைவிருக்கும் அனுபவத்தை அவர்கள் பெற்றிருந்தனர். 

மற்றுமொரு முதன்மையான செயற்பாடாக, American Premium Water தனது விசேடத்துவமான Water Bar ஐ இந்த நிகழ்வில் வெளிப்படுத்தியிருந்தது. தொடர்ச்சியான இரண்டாவது ஆண்டாகவும் இதனை வெளிப்படுத்தியிருந்தமை விசேட அம்சமாகும். இந்த புத்தாக்கமான செயற்பாட்டினூடாக, விருந்தினர்களுக்கு புத்துணர்வூட்டும் அனுபவம் சேர்க்கப்பட்டிருந்ததுடன், புதிய மற்றும் அர்த்தமுள்ள வழிமுறைகளில் நீர்தன்மையை வழங்கும் நிறுவனத்தின் நோக்கை மீள உறுதி செய்திருந்தது. Water Bar இற்கு பெருமளவானோர் விஜயம் செய்திருந்ததுடன், ஆரோக்கியமான நீர்த்தன்மை மற்றும் வாடிக்கையாளர்களை மையப்படுத்திய புத்தாக்கம் எனும் வர்த்தக நாமத்தின் அர்ப்பணிப்புடன் பொருந்துவதாக அமைந்திருந்தது. 

இந்தப் பங்காண்மை தொடர்பில் American Premium Water இன் பிரதம நிறைவேற்று அதிகாரி பயாஸ் பசால் கருத்துத் தெரிவிக்கையில், “மூன்று தசாப்த காலமாக, நாம் இலங்கையின் நம்பிக்கையை வென்ற குடிநீர் பங்காளராக திகழ்கிறோம். Industrial Expo இல் எமது தொடர்ச்சியான பிரசன்னத்தினூடாக, உள்நாட்டு தொழில்முயற்சியாண்மையை ஊக்குவிக்கும் எமது நிலை மேலும் உறுதி செய்யப்பட்டுள்ளதுடன், விறுவிறுப்பான மற்றும் அர்த்தமுள்ள புத்தாக்கங்களை அறிமுகம் செய்து, எமது வாடிக்கையாளர்களுடன் நெருக்கமாக தொடர்பை ஏற்படுத்துவதற்கு வழிகோலியுள்ளது.” என்றார். 

American Premium Water இன் பணிப்பாளர் ஆஷா குமாரசிங்க இந்த நிகழ்வின் முக்கியத்துவம் பற்றிக் குறிப்பிடுகையில், “Industrial Expo என்பது இலங்கையின் தொழில்முயற்சியாண்மை ஆர்வத்தின் கொண்டாட்டமாக அமைந்துள்ளது. இந்தக் கட்டமைப்புக்கு ஆதரவளிப்பதையிட்டு நாம் பெருமை கொள்வதுடன், Water Bar போன்ற புதிய திட்டங்களை அறிமுகம் செய்வதிலும் மகிழ்ச்சியடைகிறோம். குடிநீர் தொடர்பில் புத்தாக்கம் மற்றும் நோக்கத்தின் அடிப்படையில் இயங்கும் வழிமுறையை இணைத்து இந்த செயற்பாடு அமைந்துள்ளது.” என்றார். 

Industrial Expo உடனான American Premium Water இன் கைகோர்ப்பு, சமூக, சுற்றுச்சூழல் மற்றும் பொருளாதாரத் துறைகளில் நேர்மறையான தாக்கத்தை ஏற்படுத்தும் அதன் பரந்த நோக்கத்துடன் பொருந்துவதாக அமைந்துள்ளது. கடந்த பத்தாண்டுகளில், இந்நிறுவனம் இதுவரை வசதி குறைந்த சமூகங்களுக்கு 800,000 லீற்றர் சுத்தமான குடிநீரை நன்கொடையாக வழங்கியுள்ளது. OrphanCare முயற்சியின் மூலம் 90 அனாதை இல்லங்களுக்கு ஆதரவளித்துள்ளது. மேலும் 1.6 மில்லியனுக்கும் அதிகமான தனிநபர்களை ஆரோக்கியமான மற்றும் சுறுசுறுப்பான வாழ்க்கை முறையைத் தொடர ஊக்குவித்துள்ளது. கூடுதலாக, நிறுவனம் தனது பணியாளர்களிடையே 45 சதவீத பெண் பிரதிநிதித்துவத்தை அடைந்திருப்பதில் பெருமிதம் கொள்வதோடு, 360 மெட்ரிக் டொன்னுக்கும் அதிகமான பிளாஸ்டிக்கை மறுசுழற்சி (upcycling) செய்துள்ளதுடன், ஒரு நிலையான கண்ணாடி போத்தலை (sustainable glass bottle) அறிமுகப்படுத்துவதில் முன்னோடியாகவும் இருந்துள்ளது. 

30 ஆண்டுகளுக்கும் மேலான நிபுணத்துவம், ISO, HACCP, SLS, ABWA, HAC உள்ளிட்ட சான்றுகள் மற்றும் விரிவான குடிநீர் தீர்வுகளின் (hydration solutions) மூலம் American Premium Water தொடர்ந்து இலங்கையின் மிகவும் நம்பிக்கைக்குரிய மற்றும் நிலைத்தன்மை மிக்க குடிநீர்ப் பங்குதாரராக விளங்குகிறது. இந்நிறுவனம், புத்தாக்கம் (innovation), நிலைத்தன்மை (sustainability) மற்றும் சமூக மேம்பாடு ஆகியவற்றுக்குத் தனது பங்களிப்பை உறுதியாக வழங்குவதன் மூலம், அதன் பிராந்தியப் பரவலை விரிவுபடுத்துவதற்கும், எதிர்காலத் தலைமுறையினர் ‘மேலும் வாழல்’ (live more) உதவுவதற்கும் தொடர்ந்து அர்ப்பணிப்புடன் உள்ளது.