பாகிஸ்தான், இலங்கை மற்றும் சிம்பாப்வே அணிகளுக்கு இடையிலான முத்தரப்பு டி20 கிரிக்கெட் தொடரின் 5-வது போட்டி இன்று (25) மாலை ராவல்பிண்டி கிரிக்கெட் மைதானத்தில் ஆரம்பமானது. 

இப்போட்டியில் நாணய சுழற்சியில் வெற்றி பெற்ற சிம்பாப்வே அணி முதலில் துடுப்பெடுத்தாடத் தீர்மானித்தது. 

அதன்படி, முதலில் களமிறங்கிய சிம்பாப்வே அணி நிர்ணயிக்கப்பட்ட 20 ஓவர்கள் நிறைவில் 5 விக்கெட்டுக்களை இழந்து 146 ஓட்டங்களைப் பெற்றது. 

சிம்பாப்வே அணி சார்பில் ரியான் பர்ல் ஆட்டமிழக்காமல் 37 ஓட்டங்களையும் மற்றும் அணித்தலைவர் சிக்கந்தர் ராசா 37 ஓட்டங்களையும் அதிகபட்சமாக பெற்றுக் கொண்டனர்.

பிரையன் பென்னட் 34 ஓட்டங்களை பெற்றுக் கொண்டார். 

பந்துவீச்சில் இலங்கை அணி சார்பில் சிறப்பாகச் செயற்பட்ட மஹீஷ் தீக்ஷன மற்றும் வனிந்து ஹசரங்க ஆகியோர் தலா 2 விக்கெட்டுக்களைக் கைப்பற்றினர். 

இதற்கமைய, இப்போட்டியில் வெற்றிபெற இலங்கை அணிக்கு 147 ஓட்டங்கள் வெற்றி இலக்காக நிர்ணயிக்கப்பட்டுள்ளது.