வவுனியா பூந்தோட்டம் பிரதான வீதியில் நேற்று (2) இரவு இடம்பெற்ற விபத்தில் இரண்டு பெண்கள் உட்பட ஏழு பேர் காயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளனர். 

குறித்த விபத்து தொடர்பாக மேலும் தெரியவருவதாவது. 

இரண்டு முச்சக்கரவண்டிகள் நேருக்கு நேர் மோதியதில் இந்த விபத்து இடம்பெற்றுள்ளது. 

விபத்தில் இரு முச்சக்கரவண்டிகளின் சாரதிகள் மற்றும் இரு பெண்கள் உட்பட 7 பேர் காயமடைந்த நிலையில் வவுனியா வைத்தியசாலையில் சிகிச்சைகளுக்காக அனுமதிக்கப்பட்டுள்ளனர். 

சம்பவ இடத்திற்கு சென்ற வவுனியா பொலிஸார் விபத்து தொடர்பான விசாரணைகளை முன்னெடுத்திருந்தனர்.