தனது முதன்முதல் பட்டமளிப்பு வைபவத்தை Mogo Media Academy நேற்று (04) சிறப்பாக நடாத்தியுள்ளது. 

Mogo Media Academy தனது முதன்முதல் பட்டமளிப்பு வைபவம் BMICH - Lotus Hall மண்டபத்தில் வெகு சிறப்பாக நேற்று மாலை 4.30 மணி அளவில் நடைபெற்றது. 

அக்கடமியின் முதலாவது மற்றும் இரண்டாவது மாணவர் தொகுதிகளின் சாதனைகள் இவ்வைபவத்தில் போற்றிப் பாராட்டப்பட்டன. பல்வகைப்பட்ட படைப்பாக்கம் மற்றும் ஊடக கற்கைநெறிகளில் ஒட்டுமொத்தமாக 115 மாணவர்கள் பட்டம் பெற்றுள்ளனர். 

Animation, Game Development, Concept Art, மற்றும் Visual Effects (VFX) ஆகிய டிப்ளோமா பிரிவுகளில் பட்டம் பெற்றுள்ள மொத்தமாக 73 மாணவர்களும் அதில் அடங்கியுள்ளனர். 

இதேவேளை, தமிழ் மொழி மூலம் 42 மாணவர்கள் வானொலி அறிவிப்புத்துறையில், 'Professional Training in Radio Presentation' கற்கைநெறியை வெற்றிகரமாகப் பூர்த்தி செய்து சான்றிதழையும் பெற்றுக்கொண்டனர். 

இந்த நிகழ்வில் தமிழ் மொழி மூலம் மாணவர்களில், நுவரெலியாவை சேர்ந்த Stella Morina Gladwin என்ற மாணவியும் 2025 ஆம் ஆண்டிலும், கண்டியை சேர்ந்த Sivabalasundaram Agilath Thivakaran என்ற மாணவன் 2026 ஆம் ஆண்டிலும் வௌிக்காட்டிய விசேட திறமைகளுக்காக ஆண்டின் சிறந்த மாணவர்களாக தங்கப்பதக்கத்தை பெற்றுக்கொண்டனர்.