வங்காள விரிகுடாவில் உருவான ஆழ்ந்த காற்றழுத்தத் தாழ்வுநிலை, வடக்கு ஆந்திரப் பிரதேசம் மற்றும் தெற்கு ஒடிசாவின் கடற்கரைகள் வழியாக இந்திய நிலப்பரப்பிற்குள் நுழைந்துள்ளதாக வளிமண்டளவியல் திணைக்களம் தெரிவித்துள்ளது. 

வளிமண்டளவியல் திணைக்களத்தினால் இன்று (25) காலை வெளியிடப்பட்ட வானிலை முன்னறிவிப்பின்படி, இலங்கையின் வானிலை நிலவரங்களில் ஆழ்ந்த காற்றழுத்தத் தாழ்வுநிலை தாக்கம் இன்றில் இருந்து படிப்படியாகக் குறையும் என எதிர்பார்க்கப்படுவதாக குறிப்பிடப்பட்டுள்ளது. 

மேற்கு, சபரகமுவ, தெற்கு, மத்திய மற்றும் வடமேற்கு மாகாணங்களில் அவ்வப்போது மழை அல்லது இடியுடன் கூடிய மழை பெய்யுவதுடன், சில இடங்களில் 75 மி.மீ. க்கு மேல் கணிசமான அளவு மழை பெய்யக்கூடும் எனவும் எதிர்பார்க்கப்படுகிறது. 

மேலும் மத்திய மலைகளின் மேற்குச் சரிவுகள், வடமத்திய மற்றும் வடமேற்கு மாகாணங்கள், மற்றும் திருகோணமலை, ஹம்பாந்தோட்டை, மாத்தளை மாவட்டங்களில் அவ்வப்போது மணிக்கு சுமார் 30-40 கி.மீ. வேகத்தில் மிதமான பலத்த காற்று வீச வாய்ப்புள்ளது. 

இடியுடன் கூடிய மழையின்போது ஏற்படக்கூடிய தற்காலிக பலத்த காற்று மற்றும் மின்னல் அபாயங்களைக் குறைப்பதற்குத் தேவையான நடவடிக்கைகளை மேற்கொள்ளுமாறு வானிலை ஆய்வுத் துறை பொதுமக்களை வலியுறுத்துகிறது. 

இதேவேளை, நேற்றைய நாளில் அதிகபட்ச வெப்பநிலையான 35.7 பாகை செல்சியஸ் முல்லைத்தீவு வளிமண்டலவியல் நிலையத்தில் இருந்து பதிவாகியுள்ளது.