தாய்லாந்தின் Inclusion Champions Network Study Visit நிகழ்வு 2026 மார்ச் 10 முதல் 14 வரை தாய்லாந்தின் பாங்காக்கில் நடைபெற்ற இந்த ஆய்வு பயணத்தில் பாராளுமன்ற உறுப்பினர் சாணக்கியன் கலந்து கொண்டார். இந்த நிகழ்வின் ஒரு பகுதியாக தாய்லாந்து பாராளுமன்றத்தையும் பார்வையிட்டு, உள்ளடக்கமான ஆட்சி மற்றும் ஜனநாயகப் பங்கேற்பை வலுப்படுத்துவது தொடர்பாக தாய்லாந்து சட்டமன்ற உறுப்பினர்கள் மற்றும் கொள்கை நிர்ணயிகளுடன் பயனுள்ள கலந்துரையாடல்களில் ஈடுபட்டுள்ளார். 

இந்த பயணத்தின் போது செனட்டர் Pornchai Witayalerdpan வுடன் சாணக்கியன் சந்திப்பொன்றை மேற்கொண்டதோடு, பாராளுமன்ற உறுப்பினர்கள், குடியுரிமை அமைப்புகள் மற்றும் பாலின சமத்துவம் மற்றும் சமூக உட்சேர்க்கை தொடர்பாக செயல்படும் சர்வதேச கூட்டாளர்களுடனும் கருத்துப் பரிமாற்றங்களை மேற்கொண்டார். 

இந்த சந்திப்புகள் மூலம் திறந்த மற்றும் பொறுப்புணர்வு கொண்ட பாராளுமன்ற நடைமுறைகளை முன்னேற்றுவதில் இலங்கையின் அனுபவங்களை பகிர்ந்து கொள்ளும் வாய்ப்பும் கிடைத்தது. அதேவேளை ஜனநாயக நிறுவனங்களில் உட்சேர்க்கையை வலுப்படுத்துவதில் தாய்லாந்து பின்பற்றும் அணுகுமுறைகளிலிருந்து கற்றுக்கொள்ளவும் முடிந்ததாக சாணக்கியன் தெரிவித்தார். 

இது தொடர்பில் அவர் மேலும் தெரிவிக்கையில், 

பாராளுமன்றங்கள் அனைத்து சமூகங்களின் தேவைகளுக்கும் பதிலளிக்கும் வகையில் ஆட்சி அமைப்புகள் உட்சேர்க்கைமிக்கதாக அமைய முக்கிய பங்காற்ற வேண்டும் என்று நான் நம்புகிறேன். குறிப்பாக பெண்கள், சிறுபான்மையினர் மற்றும் வரலாற்றாக புறக்கணிக்கப்பட்ட சமூகங்களின் பிரதிநிதித்துவமும் பங்கேற்பும் உறுதி செய்யப்பட வேண்டும். 

சட்டமன்ற உறுப்பினர்கள், குடியுரிமை அமைப்புகள் மற்றும் சர்வதேச கூட்டாளர்கள் ஆகியோருக்கிடையிலான ஒத்துழைப்பு ஜனநாயக செயல்முறைகளில் வெளிப்படைத்தன்மை, பிரதிநிதித்துவம் மற்றும் சமமான பங்கேற்பை வலுப்படுத்துவதில் முக்கியமானதாகும் என தெரிவித்தார்.