Feb 17, 2026 - 01:53 PM -
0
எண் கணிதத்தின் அடிப்படையில் நம் பிறப்பு தேதியுடன் தொடர்புடைய எண்கள், நம் குணாதிசயங்களை பிரதிபலிக்கிறது. தனி ஒரு நபரின் பண்புகள் மற்றும் குணத்தை பிரதிபலிக்கிறது. அந்த வரிசையில் நம் பிறந்த மாதம் நம் குணத்தில் என்ன தாக்கம் உண்டாக்குகிறது? எந்த மாதிரியான பலன்களை கொண்டு வருகிறது என்பது குறித்தும் நமக்கு ராசியான தினங்களாக எந்தெந்த தினங்களை குறிக்கிறது? அதிர்ஷ்டத்தை கொண்டு வருகிறது என இங்கு நாம் காணலாம்.
ஜனவரி
ஆண்டின் முதல் மாதமான ஜனவரி மாதத்தில் பிறந்தவர்கள் சூரியன் மற்றும் சனி கிரகத்தால் ஆளப்படுகின்றனர். நடப்பு 2026-ஆம் ஆண்டை பொறுத்தவரையில் ஜனவரி மாதத்தில் பிறந்தவர்களுக்கு சனி மற்றும் சூரியனுடன் நெருக்கமான தொடர்பு கொண்ட புதன், வியாழன் மற்றும் வெள்ளிக்கிழமைகள் ராசியான தினங்களாக இருக்கும். திருமணம் உள்ளிட்ட சுப காரியங்களை நடத்த ஏதுவான ஒரு தினமாக இருக்கும்.
பிப்ரவரி
பிப்ரவரி மாதத்தில் பிரந்தவர்கள் சனி கிரகத்தின் ஆதிக்கம் பெற்றவர்கள். சனி கிரகத்தின் ஆளுமை பண்புகளை கொண்டிருக்கும் இவர்களுக்கு, நடப்பு 2026-ல் இடம்பெறும் புதம், வியாழன் மற்றும் சனி ஆகிய கிழமைகள் சாதகமான பலன்களை அளிக்கும் தினங்களாக பார்க்கப்படுகிறது. ஆக, சுபநிகழ்ச்சிகளை நீங்கள் இதன் போது திட்டமிடலாம்.
மார்ச்
மார்ச் மாதம் குரு பகவான் ஆளும் ஒரு மாதம் ஆகும். அந்த வகையில், மார்ச் மாதம் பிறந்தவர்களுக்கு குரு பகவானின் நேரடி பார்வை கிடைக்கிறது. எண் கணித நிபுணர்களின் கூற்றுப்படி மார்ச் மாதம் பிறந்தவர்களுக்கு 2026-ஆம் ஆண்டில் இடம்பெறும் செவ்வாய், வியாழன் மற்றும் வெள்ளி ஆகிய கிழமைகள் சாதகமான பலன்களை அளிக்கும் என நிபுணர்கள் குறிப்பிடுகின்றனர்.
ஏப்ரல்
ஏப்ரல் மாதத்தில் பிறந்தவர்களுக்கு சாதகமான ஒரு கிரகமாக செவ்வாய் கிரகம் பார்க்கப்படுகிறது. செவ்வாய் கிரகத்தை அதிபதியாக கொண்டவர்களுக்கு நற்பலன்களை அளிக்கும் கிழமைகளாக திங்கள், செவ்வாய் மற்றும் வெள்ளிக்கிழமை பார்க்கப்படுகின்றன. குறித்த இந்த தினங்களில் உங்கள் மனதை மகிழ்விக்கும் விஷயங்கள் பல நடக்கும். எனவே, தயாராக இருங்கள்.
மே
மே மாதத்தில் பிறந்தவர்கள் சுக்கிரன் கிரகத்தால் ஆளப்படுகின்றனர். தனி ஒரு நபரின் அழகு, ஆடம்பரம், அறிவு, ஆளுமை போன்றவற்றை பிரதிபலிக்கும் இந்த சுக்கிரன், நடப்பு 2026-ஆம் ஆண்டில் அவர்களுக்கு திங்கள், செவ்வாய், வியாழன் ஆகிய கிழமைகளில் நற்பலன்களை கொண்டு வருகிறார். மேலும், அவர்களின் வாழ்க்கையில் சுபிக்ஷமான காரியங்களை நடத்தி வைக்கிறார்.
ஜூன்
ஆண்டின் 6 ஆவது மாதமான ஜூன் மாதத்தில் பிறந்தவர்களுக்கு ஆளும் அதிபதியாக புதன் பார்க்கப்படுகிறார். படைப்பாற்றல், தனித்திறமைகளை வளர்க்கும் ஒரு கிரகமாக பார்க்கப்படும் புதன் கிரகத்தின் நேரடி பார்வையால் நடப்பு 2026-ஆம் ஆண்டில் இவர்களுக்கு செவ்வாய், வியாழன் மற்றும் வெள்ளி ஆகிய தினங்களில் எதிர்பார்த்த நற்பலன்கள் கிடைக்கும்.
ஜூலை
சந்திரனை ஆளும் கிரகமாக கொண்ட ஜூன் குழந்தைகளிடையே, சந்திரனின் பண்புகள் அதிகம் காணப்படுகிறது. அந்த வரிசையில், நடப்பு 2026-ஆம் ஆண்டில் இவர்களுக்கு சந்திரனுடன் தொடர்புடைய ஞாயிறு, திங்கள் மற்றும் புதன் ஆகிய மூன்று கிழமைகள் எதிர்பார்த்த நற்பலன்களை கொண்டு வரும் என நிபுணர்கள் கணித்துள்ளனர்.
ஆகஸ்ட்
எண் கணித நிபுணர்களின் கணிப்புப்படி ஆகஸ்ட் மாதம் பிறந்தவர்களுக்கு சூரியன் ஆட்சி தெய்வமாக இருக்கிறார். சூரியனின் ஆளுமை பண்புகள், அதிகாரம் போன்றவற்றை கொண்டிருக்கும் இவர்களுக்கு, 2026-ஆம் ஆண்டில் இடம்பெறும் ஞாயிறு, திங்கள் மற்றும் புதன் கிழமைகள் சாதகமான பலன்களை அளிக்கும் என எண் கணித நிபுணர்கள் குறிப்பிடுகின்றனர்.
செப்டம்பர்
புதன் கிரகத்தை ஆளும் அதிபதியாக கொண்ட செப்டம்பர் மாத குழந்தைகள் - அதாவது, செப்டம்பர் மாதத்தில் பிறந்தவர்கள், புதன் கிரகத்தின் ஆளுமை பண்புகளை கொண்டுள்ளனர். புதன் கிரகத்துடன் தொடர்புடைய புதன், வெள்ளி மற்றும் சனி ஆகிய கிழமைகள் இவர்களுக்கு சாதகமான பலன்களை அளிக்கும் என நிபுணர்கள் குறிப்பிடுகின்றனர்.
அக்டோபர்
ஆண்டின் 10 ஆவது மாதமான அக்டோபர் மாதத்தில் பிறந்தவர்கள் சுக்கிரனை ஆளும் கிரகமாக கொண்டுள்ளனர். சுக்கிரனின் ஆளுமை பண்புகளை கொண்டிருக்கும் இவர்கள், ஆடம்பரமான வாழ்க்கையை வாழ விரும்புகின்றனர். அவர்களின் விருப்பங்களை பூர்த்தி செய்யும் வகையில் நடப்பு 2026-ஆம் ஆண்டில் இடம்பெறும் திங்கள், செவ்வாய் மற்றும் வியாழன் கிழமைகள் சாதகமான பலன்களை அளிக்கும்.
நவம்பர்
நவம்பர் மாதத்தில் பிறந்தவர்களுக்கு ஆளும் கிரகமாக செவ்வாய் பார்க்கப்படுகிறது. வேத ஜோதிடத்தில் செவ்வாய் கிரகம் சிவப்பு கிரகம் என அழைக்கப்படுகிறது. ஆக்ரோஷமான கிரகமாக குறிக்கப்படும் இந்த செவ்வாய் கிரகத்தின் ஆளுமை கொண்ட நவம்பர் மாத குழந்தைகளுக்கு நடப்பு 2026-ஆம் ஆண்டில் இடம்பெறும் செவ்வாய், வியாழன் மற்றும் வெள்ளி கிழமைகள் எதிர்பார்த்த நற்பலன்களை அளிக்கும்.
டிசம்பர்
குரு பகவானை ஆளும் கிரகமாக கொண்ட டிசம்பர் மாத குழந்தைகள், அறிவாற்றல் மிக்கவர்களாகவும், வெற்றியை தங்களின் அடையாளமாக கொண்டவர்களாகவும் இருக்கின்றனர்.
நடப்பு 2026 ஆம் ஆண்டில் இவர்களுக்கு செவ்வாய், வியாழன் மற்றும் வெள்ளிக்கிழமைகள் சாதகமான பலன்களை அளிக்கும் என நிபுணர்கள் குறிப்பிடுகின்றனர்.
