Nov 4, 2026 - 06:21 PM
இந்திய அணியின் நட்சத்திர துடுப்பாட்ட வீரரான விராட் கோலி ஒருநாள் போட்டியில் அதிக சதம் அடித்த வீரராக திகழ்ந்து வருகிறார். அவர் 55 சதங்கள் அடித்துள்ளார். சேஸிங்கில் விராட் கோலி அபாரமாக விளையாடக் கூடியவர். இதனால் அவரை சேஸிங் கிங் என்று கூட அழைப்பர்.
நியூசிலாந்துக்கு எதிரான இன்றைய போட்டியில் சேஸிங்கில் 51 பந்தில் 74 ஓட்டங்களை விளாசினார். இவர் 54 ஓட்டங்கள் அடித்திருந்தபோது, சேஸிங்கில் அதிக ஓட்டங்களை அடித்த சச்சின் டெண்டுல்கர் சாதனையை முறியடித்துள்ளார்.
சச்சின் டெண்டுல்கர் 8,720 ஓட்டங்கள் எடுத்து இதுவரை, சேஸிங்கில் அதிக ஓட்டங்கள் அடித்த வீரராக இருந்து வந்தார். தற்போது விராட் கோலி அதை முறியடித்துள்ளார்.
விராட் கோலி 176 சேஸிங் போட்டியில் 169 இன்னிங்சில் 8,720 ஓட்டங்களை கடந்துள்ளார். ரோகித் சர்மா 167 போட்டிகளில் 163 இன்னிங்சில் 6,801 ஓட்டங்களை எடுத்து 3 ஆவது இடத்தில் உள்ளார்.
மேலும், இந்தியாவை விட்டு வெளிநாட்டு மண்ணில் 50 முறை 50 ஓட்டங்களுக்கு மேல் கடந்து சாதனைப் படைத்துள்ளார். இதில் 21 செஞ்சுரி, 29 அரைசதங்கள் அடங்கும்.
விராட் கோலி 318 ஒருநாள் போட்டிகளில் 55 சதம், 80 அரைசதங்களுடன் 15,183 ஓட்டங்களை குவித்துள்ளார். சச்சின் டெண்டுல்கர் 463 போட்டிகளில் 49 சதம், 96 அரைசதங்களுடன் 18,426 ஓட்டங்களை அடித்துள்ளார்.