வேத ஜோதிட நிபுணர்களின் கணிப்புகள் படி இன்றைய தினம் மேஷம் முதல் மீனம் வரை உள்ள அனைத்து ராசியினருக்கும் தனித்துவமான பலன்கள் காத்திருக்கின்றன. ஒரு சில ராசியினருக்கு நேர்மறையான பலன் கிடைக்கும், ஒரு சில ராசியினருக்கு சவாலான காலத்தை கொண்டு வருகிறது. கிரக நிலை மாற்றத்தின் படி இன்றைய தினத்திற்கு குறிக்கப்பட்ட பலன்களை அடிப்படையாக வைத்து உங்கள் எதிர்காலத்தை வலப்படுத்தும் திட்டங்களை தீட்டுங்கள், மன நிறைவான வாழ்வுக்கு வழி காணுங்கள். 

மேஷம் 

​மேஷ ராசியில் பிறந்தவர்களுக்கு மகிழ்ச்சியான ஒரு தினமாக இருக்கும். பணியிடத்தில் உங்கள் கடின உழைப்புக்கு உரிய பலன் கிடைக்கும். உயர் அதிகாரிகளின் ஆதரவும், அரவணைப்பும் கிடைக்கும். குடும்ப வாழ்க்கையிலும் எதிர்பார்த்த மாற்றத்தை கொண்டு வருவீர்கள். காதல் வாழ்கையில் மகிழ்ச்சியான தருணங்கள் நிறைந்திருக்கும். எதிர்பார்த்த நற்செய்திகளும் கிடைக்கும். திருமணம் முடித்தவர்கள் வாழ்க்கையிலும் மகிழ்ச்சிக்கு பஞ்சம் இல்லாமல் இருக்கும். 

ரிஷபம் 

ரிஷப ராசியில் பிறந்தவர்களுக்கு இன்றைய தினம் அலைச்சல் நிறைந்த ஒரு தினமாக இருக்கும். பணியிடத்தில் பணிகள் குவிந்திருக்கும், குடும்ப வாழ்க்கையில் உங்களுக்கான பொறுப்பும் அதிகரிக்கும். நிதி சார்ந்த பிரச்சனைகள் உங்கள் மன நிம்மதியை பாதிக்கும். எதிர்காலம் தொடர்பான குழப்பங்கள் அதிகரிக்கும் - அடுத்து என்ன செய்வது? என தெரியாத ஒரு குழப்ப நிலை உண்டாகும். இன்று காணப்படும் பிரச்சனைகளை சமாளிக்க நிதானம் அவசியம். 

மிதுனம் 

மிதுன ராசி கொண்டவர்களுக்கு போதுமான வருமானம் கிடைக்கும் ஒரு சிறப்பு தினமாக இன்று இருக்கும். தொழில் வாழ்க்கையில் நீங்கள் எடுக்கும் முக்கிய முடிவுகள் எதிர்பார்த்த வளர்ச்சியை கொண்டு வரும். முன்னர் செய்த முதலீடுகள் உங்கள் பொருளாதார நிலையை மேம்படுத்தும். ஒன்றுக்கு மேற்பட்ட வழிகளில் வருமானம் கிடைக்கும் - வாழ்க்கை சிறப்பாக மாறும். தொழில் வாழ்க்கை மற்றும் குடும்ப வாழ்க்கை இரண்டிற்கும் இடையே ஒரு ஆரோக்கிய சமநிலையை கொண்டு வரலாம். 

கடகம் 

கடக ராசியில் பிறந்தவர்கள் இன்று கூடுதல் கவனத்துடன் இருப்பது அவசியம். உங்கள் அன்புக்குரியவர்களுடன் தவறான புரிதலை உண்டாக்கும் உரையாடல்கள் நிகழலாம். இந்த உரையாடல்கள் உங்கள் உணர்வுகளை பாதிக்கலாம்; குழப்பத்தை கொண்டு வரலாம். தனிப்பட்ட வாழ்க்கையில் உண்டாகும் குழப்பம், உங்கள் தொழில் வாழ்க்கையில் பிரதிபலிக்கும். மன அமைதியை பாதிக்கும் விஷயங்கள் உண்டாகும். உடல் ஆரோக்கியத்திலும் பின்னடைவு காணப்படலாம். 

சிம்மம் 

ஆளுமை பண்புக்கு பெயர் பெற்ற சிம்ம ராசியினர் இன்று துணிச்சலாக செயல்படுவார்கள். தொழில் வாழ்க்கையில் முக்கியமான முடிவுகளை எடுப்பார்கள், தொழில் வளர்ச்சிக்கான வழிகளை கண்டறிவார்கள். நிதி மேலாண்மையில் சிறந்து விளங்கும் வாய்ப்பும் கிடைக்கும். உடல் ஆரோக்கியத்தில் எதிர்பார்த்த முன்னேற்றத்தை காணலாம். பணியிடத்தில் சக ஊழியர்களிடம் விட்டுக்கொடுத்துச் செல்லுங்கள். பணிகளை பகிர்ந்து செய்து, எதிர்பார்த்த வெற்றியை காணுங்கள். 

கன்னி 

​கன்னி ராசி கொண்டவர்களுக்கு கூடுதல் பொறுப்பு கிடைக்கும் ஒரு தினமாக இன்று இருக்கும். பணியிடத்தில் உங்கள் பணிகளை குறிப்பிட்ட காலத்தில் முடிக்க நண்பர்கள் மற்றும் சக ஊழியர்களின் ஆதரவு கிடைக்கும். உங்கள் திறமைக்கான வெகுமதியும் கிடைக்கும். குடும்ப வாழ்க்கையிலும் எதிர்பார்த்த மாற்றத்தை கொண்டு வரும் வாய்ப்பு கிடைக்கும். கன்னி ராசி கொண்ட ஆண்கள், தங்கள் பொறுப்புகளை உணர்ந்து செயல்பட வேண்டி இருக்கும். 

துலாம் 

துலாம் ராசி கொண்டவர்கள் தங்கள் குடல் ஆரோக்கியம் சார்ந்த பிரச்சனைகளை இன்று சந்திக்கலாம். நாள்பட்ட நோய் பிரச்சனை கொண்டிருக்கும் நபர்கள் கூடுதல் கவனத்துடன் செயல்படுவது நல்லது. தொழில் வாழ்க்கை குறித்து பேசுகையில், அதிகப்படியான விமர்சனங்களை சந்திக்க வேண்டிய ஒரு தினமாக இருக்கும். நிதி சார்ந்த விஷயங்கள் உங்களுக்கு சாதகமாக இருக்கும். கையில் இருக்கும் பணத்தை அளவாக செலவு செய்யுங்கள், ஆடம்பர செலவுகளை தவிர்த்திடுங்கள். 

விருச்சிகம் 

விருச்சிக ராசி கொண்டவர்கள் தங்கள் தொழில் வாழ்க்கையில் வளர்ச்சி காணும் ஒரு சிறப்பு தினமாக இன்று இருக்கும். தொழில் போட்டிகள் குறையும், எதிர்பார்த்த வருமானத்தை கொண்டு வரும் வாய்ப்பும் கிடைக்கும். காதல் வாழ்க்கை / திருமண வாழ்க்கையில் காணப்பட்ட பிரச்சனைகள் மற்றும் மனஸ்தாபங்களை முடிவுக்கு கொண்டு வரும் வாய்ப்பும் கிடைக்கும். உடன் பிறந்தவர்களின் ஆதரவுடன் உங்கள் தொழிலை விரிவுப்படுத்தும் வாய்ப்பும் உங்களுக்கு கிடைக்கும். நம்பிக்கையுடன் இருங்கள். 

தனுசு 

தனுசு ராசியில் பிறந்தவர்களுக்கு புதிய தொழில் வாய்ப்புகள் கிடைக்கும் ஒரு தினமாக இன்று இருக்கும். பெரிய ஒப்பந்தங்கள், சர்வதேச முதலீடுகள் என தங்கள் எதிர்பார்ப்புகள் பல இன்று பூர்த்தியாகும். புதிய தொழில் தொடங்க விரும்பும் தனுசு ராசி ஆண்களுக்கு பெற்றோர் வழி ஆதரவும், பண உதவிகளும் கிடைக்கும். பண விஷயங்கள் உங்களுக்கு சாதகமாக இருக்கும். உடல் ஆரோக்கியம் மேம்படும், பொருளாதார நிலையும் சாதகமாக மாறும். 

மகரம் 

மகர ராசியில் பிறந்தவர்களின் கடின உழைப்புக்கு உரிய அங்கீகாரம் கிடைக்கும் ஒரு சிறப்பு தினமாக இன்று பார்க்கப்படுகிறது. பணியிடத்தில் உங்கள் சக ஊழியர்களின் உதவி கிடைக்கும், உங்கள் முன்னேற்றத்திற்கு உதவும் விஷயங்களும் நடக்கும். குடும்ப வாழ்க்கையில் உங்கள் வார்த்தைகளுக்கு மதிப்பு அளிக்கப்படும். வருமானத்தை அதிகரிக்கும் வசதி வாய்ப்புகளும் கிடைக்கும். கிடைக்கும் வாய்ப்பினை சரியாக பயன்படுத்திக் கொள்ளுங்கள். 

கும்பம் 

கும்ப ராசியில் பிறந்தவர்களுக்கு முன்னர் எப்போதும் இல்லாத அளவுக்கு மகிழ்ச்சியை அளிக்கும் ஒரு தினமாக இன்று இருக்கும். குறிப்பாக காதல் வாழ்க்கையில் எதிர்பார்த்த மாற்றத்தை கொண்ட வரலாம். காதல் உறவை திருமணம் எனும் அடுத்த கட்டத்திற்கு கொண்டுச் செல்லும் வாய்ப்பும் கிடைக்கும். தொழில் வாழ்க்கையில் காணப்பட்ட பிரச்சனைகள் முடிவுக்கு வரும், பொருளாதார ரீதியாக உங்களை பலப்படுத்தும் வாய்ப்புகளும் கிடைக்கும். 

மீனம் 

மீன ராசியில் பிறந்தவர்களுக்கு போதுமான வருமானம் கிடைக்கும் ஒரு தினமாக இன்று இருக்கும். குறிப்பாக, சிறு தொழில் முனைவோர் தங்கள் எதிர்பார்ப்புக்கு அதிகமாகவே வருமானத்தை காணும் வாய்ப்பு காணப்படுகிறது. உலோகம் சார்ந்த தொழில் செய்து வரும் நபர்கள், தங்கள் தொழிலை விரிவுப்படுத்தும் வாய்ப்பினை பெறுவார்கள். மன அழுத்தம் குறையும், எதிர்காலம் தொடர்பான தெளிவு பிறக்கும். உங்கள் கடின உழைப்புக்கு உரிய பலனும் இன்று கிடைக்கும்.