இலங்கையில் மதுசாரம் புகையிலை மற்றும் ஏனைய போதைப்பொருட்களின் பயன்பாடு அனைத்து சமூக மட்டங்களிலும் பொருளாதார, சுகாதார மற்றும் சமூகப் பிரச்சினைகளை ஏற்படுத்துகிறது. குறிப்பாக, ஏனையவர்களின் மதுசார பாவனை பெண்களுக்கு பல்வேறு வகைகளில் பாதிப்புக்களை ஏற்படுத்துகின்றது. 

பொது இடங்களிலும், பொதுப் போக்குவரத்திலும் மதுசார பாவனையாளர்களால் பெண்களுக்கு ஏற்படுத்தப்படும் அசௌகரியங்கள் மற்றும் பாதுகாப்பற்ற சூழல் ஆகியவை தொடர்பாக விரைவாக கவனம் செலுத்தப்பட வேண்டிய தேவை காணப்படுகின்றது. 

இத்தகைய பிரச்சினைகளை கட்டுப்படுத்துவதற்கான பயனுள்ள ஒரு கட்டமைப்பு இல்லாதமையின் காரணமாக, பல பெண்கள் இது தொடர்பாக பேசுவதற்குத் தயங்குபவர்களாக இருக்கும் ஒரு சூழலை உருவாக்கியுள்ளது. பொது இடங்களில் மதுசார பாவனையாளர்களால் பெண்களின் பாதுகாப்பிற்கு ஏற்படும் தாக்கங்களை அடையாளம் கண்டு வெளிப்படுத்தும் நோக்கில், 2026 சர்வதேச மகளிர் தினத்தை முன்னிட்டு மதுசாரம் மற்றும் போதைப்பொருள் தகவல் நிலையம் (ADIC) நாடளாவிய ரீதியில் ஆய்வொனறினை மேற்கொண்டது. 

இந்த ஆய்வானது இலங்கையின் 25 மாவட்டங்களிலிருந்தும் 15 வயதிற்கு மேற்பட்ட 1157 பெண்களிடம் சேகரிக்கப்பட்ட தரவுகளைக் கொண்டு நடத்தப்பட்டது. மதுசார பாவனையாளர்களால் பொது இடங்களில் பெண்கள் எதிர்கொள்ளும் பிரச்சினைகளின் தீவிரத்தை முன்னிலைப்படுத்துவதற்கும், அத்தகைய சூழலில் பெண்களின் பாதுகாப்பை உறுதி செய்வதற்கான பயனுள்ள தலையீடுகளை மேம்படுத்துவதற்கு ஆதரவாக ஆதாரங்களை உருவாக்குவதே இவ் ஆய்வின் நோக்கமாகும்.