ஹட்டன் - போடைஸ் பிரதான வீதியின் போடைஸ் என்சி பிரிவில் நேற்று (12) முற்பகல் 11 மணியளவில் இடம்பெற்ற விபத்தில் மூவர் படுகாயமடைந்துள்ளனர். 

திக்கோயா பகுதியிலிருந்து டயகம நோக்கிப் பயணித்த முச்சக்கர வண்டி, சாரதியின் கட்டுப்பாட்டை மீறி வீதியை விட்டு விலகி சுமார் 70 அடி பள்ளத்தில் வீழ்ந்து விபத்துக்குள்ளானது. இவ்விபத்தின் போது முச்சக்கர வண்டியில் பயணித்த சாரதி உட்பட மூவர் படுகாயமடைந்தனர். இவர்கள் திக்கோயா பகுதியிலிருந்து டயகம நோக்கிச் சென்று தோட்டப் பகுதிகளில் வியாபார நடவடிக்கைகளில் ஈடுபடுபவர்கள் என அடையாளம் காணப்பட்டுள்ளதாக எமது செய்தியாளர் தெரிவித்தார். 

விபத்தில் காயமடைந்த மூவரும் பிரதேசவாசிகளின் உதவியுடன் உடனடியாக திக்கோயா ஆதார வைத்தியசாலையில் அனுமதிக்கப்பட்டுள்ளனர். 

அதிவேகமாகச் சென்றமையால் வாகனத்தைக் கட்டுப்படுத்த முடியாமல் போனதே இந்த விபத்துக்குக் காரணம் என பொலிஸார் சந்தேகிக்கிப்பதாக எமது செய்தியாளர் தெரிவித்தார். 

சம்பவம் தொடர்பில் ஹட்டன் பொலிஸார் மேலதிக விசாரணைகளை மேற்கொண்டு வருகின்றனர்.