சூப்பர் ஸ்டார் ரஜினிகாந்த் பெங்களூருவில் பஸ் கண்டக்டராக இருந்தபோது பயன்படுத்திய பழைய அடையாள அட்டை ஒன்று சமூக வலைதளங்களில் வைரலாகி வருகிறது. 

சினிமானா ஒரு ஹீரோ இருக்கணும், அவருக்கு ஒரு மாஸ் என்ட்ரி இருக்கணும். ஆனா, இந்திய சினிமாவின் முடிசூடா மன்னன் 'தலைவர்' ரஜினிகாந்தோட நிஜ வாழ்க்கைக் கதையே ஒரு மாபெரும் சினிமா! இப்போ சோஷியல் மீடியால ஒரு பழைய ஐடி கார்டு பயங்கரமா சத்தம் போட்டுக்கிட்டு இருக்கு. ஆமாங்க, அது நம்ம 'பெங்களூரு பையன்' சிவாஜி ராவ் கெய்க்வாட், BMTC பஸ் கண்டக்டரா இருந்த காலத்து அடையாள அட்டைதான். 

இப்போ வைரலாகுற இந்த ஐடி கார்டு உண்மையா இல்ல AI செஞ்ச வேலையான்னு ஒரு பக்கம் விவாதம் நடந்தாலும், அந்த கார்டுல இருக்குற தகவல் ரஜினி ரசிகர்களுக்கு செம பூஸ்ட் கொடுக்குது. அதுல ரஜினிகாந்தோட உண்மையான பெயர் 'சிவாஜி ராவ் கெய்க்வாட்'னு அழகா எழுதியிருக்கு. ஸ்ரீநகர் டிப்போ, ரூட் நம்பர் 10A பஸ்ல வேலை செஞ்ச இந்த 'மாஸ்' கண்டக்டருக்கு 1971 இல் கிடைச்ச மாச சம்பளம் எவ்வளவு தெரியுமா? வெறும் 275 ரூபாய்! இன்னைக்கு கோடிக்கணக்குல சம்பளம் வாங்குற ரஜினி, அன்னைக்கு நூறு ரூபாய் நோட்டுக்காக டிக்கெட் கிழிச்சுக்கிட்டு இருந்தாருன்னு சொன்னா நம்பவே முடியல இல்லையா? 

அப்போ பஸ்ல டிக்கெட் கொடுக்கும்போது ரஜினி காட்டுற வேகம், அந்த விசில் சத்தம், பயணிகள்கிட்ட பேசுற ஸ்டைல் அப்பவே ரொம்ப ஃபேமஸாம். "முன்னாடி போங்க சார்...", "சில்லறை கொடுங்க..."ன்னு சொல்லும்போது கூட, அதுக்குள்ள ஒரு சூப்பர் ஸ்டார் தெரிஞ்சிருக்காரு. அவரோட நெருங்கிய நண்பரும், டிரைவருமான ராஜ் பகதூருக்கு அப்பவே தெரிஞ்சிருக்கு, இந்த சிவாஜி வெறும் பஸ்ஸுக்குள்ள அடங்குற ஆள் இல்லை, உலகத்தையே ஆளப் போறவன்னு. 

இன்னைக்கு ரஜினிகாந்த் எவ்வளவு உயரத்துக்குப் போனாலும், அவர் தன்னோட ஆரம்ப கால நினைவுகளை மறக்கவே இல்லை. கொஞ்ச நாளைக்கு முன்னாடி பெங்களூரு ஜெயநகர் டிபோவுக்கு திடீர்னு விசிட் அடிச்ச ரஜினி, அங்க இருந்த கண்டக்டர், டிரைவர்களோட உட்கார்ந்து ஜாலியா பேசினாரு. அந்த நிமிஷத்துல அவர் கண்டக்டர் சிவாஜியா இருந்தாரே தவிர, சூப்பர் ஸ்டார் ரஜினியா இல்லை. அதுமட்டுமில்ல, லோகேஷ் கனகராஜ் டைரக்‌ஷன்ல வர்ற 'கூலி' பட போஸ்டர்ல கண்டக்டர் பேட்ஜ் நம்பர் 1421 இருந்துச்சு. ரசிகர்கள் அது ரஜினியோடது தான்னு கொண்டாடுனாங்க. ஆனா, அது டைரக்டரோட அப்பாவோட நம்பர்னு அப்புறமாதான் தெரிஞ்சது. 

ஒரு சாதாரண கண்டக்டரா வாழ்க்கையை ஆரம்பிச்சு, இன்னைக்கு உலகம் முழுக்க கோடிக்கணக்கான ரசிகர்களை வச்சிருக்குற ரஜினியோட இந்தப் பயணம் எல்லாருக்குமே ஒரு பெரிய இன்ஸ்பிரேஷன். கையில சில்லறையை வச்சுக்கிட்டு பஸ் ஏறின அந்தப் பையன்தான், இன்னைக்கு இந்திய சினிமாவின் மிகப்பெரிய சொத்து. இந்த வைரல் ஐடி கார்டு ஒரு விஷயத்தை மறுபடியும் நிரூபிச்சிருக்கு - "கஷ்டப்பட்டா மனுஷன் எதையும் சாதிக்கலாம், ஆனா சாதிச்சதுக்கு அப்புறமும் வந்த பாதையை மறக்கக் கூடாது."