2026 பீஃபா (FIFA) உலகக் கிண்ண கால்பந்து தொடரின் குரூப் 'I' பிரிவில் இன்று நடைபெற்ற மற்றுமொரு விறுவிறுப்பான லீக் போட்டியில் நோர்வே மற்றும் ஈராக் அணிகள் மோதின. இதில் ஆரம்பம் முதலே ஆதிக்கம் செலுத்திய நோர்வே அணி 4–1 என்ற கோல் கணக்கில் ஈராக்கை வீழ்த்தி அபார வெற்றி பெற்றது.

நோர்வே அணியின் நட்சத்திர வீரர் எர்லிங் ஹாலாண்ட் அதிரடியாக இரண்டு கோல்களை அடித்து அணியின் வெற்றிக்கு முக்கிய காரணியாக அமைந்தார்.

போட்டியின் 29-வது மற்றும் 43-வது நிமிடங்களில் அவர் இந்த கோல்களை பதிவு செய்தார்.

ஈராக் அணியின் சார்பில் அய்மென் ஹுசைன் போட்டியின் 39-வது நிமிடத்தில் ஒரு கோல் அடித்து தன் அணியை ஆட்டத்திற்குள் கொண்டு வர முயன்றார்.

ஆட்டத்தின் இரண்டாவது பாதியில் நோர்வே வீரர் லியோ ஆஸ்டிகார்ட் 76-வது நிமிடத்தில் ஒரு கோல் அடித்தார். மேலும், ஆட்டத்தின் கூடுதல் நேரத்தில் (90+6') ஈராக் அணியின் அய்மென் ஹுசைன் துரதிர்ஷ்டவசமாக அடித்த சுயகோல் (Own Goal) நோர்வேயின் வெற்றி வாய்ப்பை 4-1 என உறுதி செய்தது.

இந்த அசத்தல் வெற்றியின் மூலம் நோர்வே அணி 3 புள்ளிகளுடன் தங்களது பிரிவில் (Group I) தற்காலிகமாக முதலிடத்தைப் பிடித்துள்ளது. இதே பிரிவில் நடந்த மற்றொரு போட்டியில் பிரான்ஸ் அணி 3-1 என்ற கணக்கில் செனகல் அணியை வீழ்த்தி 3 புள்ளிகளுடன் இரண்டாம் இடத்தில் உள்ளது குறிப்பிடத்தக்கது.