சூர்யா நடிக்கும் புதிய படத்தின் அதிகாரபூர்வ அறிவிப்பை ஹோம்பலே தயாரிப்பு நிறுவனம் வெளியிட்டுள்ளது. 

ஆர்.ஜே.பாலாஜி இயக்கத்தில் சூர்யா நடிப்பில் வெளியான ‘கருப்பு’ திரைப்படம் ரசிகர்களிடையே நல்ல வரவேற்பை பெற்றது. இந்தப் படம் 300 கோடி ரூபாவுக்கும் அதிகமான வசூலை ஈட்டியது. இந்தப் படத்துக்குப் பிறகு சூர்யா நடிக்கும் படத்தை ‘வாத்தி’, ‘லக்கி பாஸ்கர்’ பட இயக்குநர் வெங்கி அட்லூரி இயக்கியுள்ளார். 

‘விஸ்வநாத் அண்ட் சன்ஸ்’ என தலைப்பிடப்பட்டுள்ள இந்தப் படம் ஜூலை மாதம் வெளியாகும் என அறிவிக்கப்பட்டுள்ளது. 

தொடர்ந்து ‘ஆவேசம்’ பட இயக்குநர் ஜீத்து மாதவன் இயக்கத்தில் நடித்து வருகிறார் சூர்யா. 

இதையடுத்து சூர்யா நடிக்கும் புதிய படத்தை ஞானவேல் இயக்குகிறார். முன்னதாக ஞானவேல் இயக்கத்தில் சூர்யா நடித்த ‘ஜெய் பீம்’ நல்ல வரவேற்பை பெற்றது. தற்போது மீண்டும் இந்த கூட்டணி இணைந்துள்ளது. 

இந்தப் படத்தை ஹோம்பலே பிலிம்ஸ் நிறுவனம் தயாரிக்கிறது. படத்தின் நாயகியாக கயாடு லோஹர் நடிக்கிறார். படத்துக்கு சாய் அபயங்கர் இசையமைக்கிறார். இது தொடர்பான அறிவிப்பு வெளியாகி ரசிகர்களின் கவனத்தை ஈர்த்துள்ளது.