வாடிக்கையாளர்கள் இலகுவாகச் சென்றுவரக்கூடிய, தாராளமான இட வசதி கொண்ட, மற்றும் வசதியான வங்கிச்சேவைச் சூழலுடன் இரத்தினபுரி நகரின் மையத்தில் இல. 269, பிரதான வீதி, இரத்தினபுரி என்ற புதிய முகவரிக்கு DFCC வங்கி தனது இரத்தினபுரி கிளையை இடம்மாற்றியுள்ளது. 

வங்கிச்சேவையை மிகவும் எளிதாகவும், வசதியாகவும் மேற்கொள்வதுடன், வாடிக்கையாளர்கள் மத்தியில் மாறி வருகின்ற எதிர்பார்ப்புக்களை நிறைவேற்றும் வகையில் சிறப்பான அனுபவங்களைத் தோற்றுவிப்பதற்காக DFCC வங்கி தொடர்ந்தும் மேற்கொண்டு வருகின்ற முதலீடுகளை இந்த இடம்மாற்றம் சிறப்பாகப் பிரதிபலிக்கின்றது. இரத்தினபுரி நகரின் வர்த்தக மையத்தில் கேந்திர முக்கியத்துவம் வாய்ந்த இடத்தில் அமைந்துள்ள இப்புதிய கிளை, இலகுவாகச் சென்று வருவதை மேம்படுத்தும் வகையில் வடிவமைப்புச் செய்யப்பட்டுள்ளதுடன், பாரம்பரிய மற்றும் டிஜிட்டல் வங்கிச்சேவை நடவடிக்கைகளை முன்னெடுக்க உதவுகின்ற நவீன வங்கிச்சேவை சூழலையும் வாடிக்கையாளர்களுக்கு வழங்குகின்றது. 

DFCC வங்கியின் முழுமையான தீர்வுகள் மற்றும் சேவைகளை இக்கிளை தொடர்ந்தும் வழங்குவதுடன், இப்பிராந்தியத்திலுள்ள தனிநபர்கள், குடும்பங்கள், தொழில் முயற்சியாளர்கள், மற்றும் வணிகங்களுக்கு அவற்றை வழங்கும். வாடிக்கையாளர் உறவை முன்னிலைப்படுத்திய சேவை, தனிப்பயனாக்கம் செய்யப்பட்ட நிதி வழிகாட்டல் ஆகியவற்றின் ஆதரவுடன், வளர்ச்சி கண்டு வருகின்ற வங்கியின் டிஜிட்டல் வங்கிச்சேவை தீர்வுகளுக்கான வாய்ப்புக்களையும் வாடிக்கையாளர்கள் பெற்றுக்கொள்வர். இக்கிளையின் இடம்மாற்றம் குறித்து DFCC வங்கியின் துணைத் தலைவரும், கிளை வங்கிச்சேவை மற்றும் விநியோக வழிமுறைகளுக்கான தலைமை அதிகாரியுமான துமிந்த சில்வா அவர்கள் கருத்து வெளியிடுகையில், “வங்கிச்சேவையில் டிஜிட்டல் வழிமுறைகளின் செல்வாக்கு தொடர்ந்தும் அதிகரித்துச் செல்கின்ற போதிலும், மிகவும் முக்கியமான நிதித் தீர்மானங்களை மேற்கொள்ளும் போது, இலகுவாகச் சென்றுவரும் வசதி, சௌகரியம், மற்றும் அர்த்தமுள்ள மனிதரீதியான இடைத்தொடர்பாடலுக்கு வாடிக்கையாளர்கள் இன்னமும் மதிப்பளிக்கின்றனர். இந்த சௌகரியங்கள் அனைத்தையும் ஒன்றாகக் கொண்ட வங்கிச்சேவை சூழலைத் தோற்றுவிப்பதில் நாம் காண்பிக்கும் அர்ப்பணிப்பை எமது இரத்தினபுரி கிளையின் இடம்மாற்றம் பிரதிபலிக்கின்றது. நவீன, வாடிக்கையாளர்களை மையமாகக் கொண்ட இட வசதிகள் மீது முதலீடுகளை மேற்கொள்வதனூடாக, வாடிக்கையாளர்கள் தமக்குத் தேவையான சேவைகள், ஆலோசனை, மற்றும் ஆதரவு ஆகியவற்றைப் பெற்றுக்கொள்வதை நாம் இலகுபடுத்துகின்ற அதேசமயம், நாம் சேவைகளை வழங்குகின்ற சமூகங்கள் மத்தியில் எமத இருப்பினை தொடர்ந்தும் வலுப்படுத்தி வருகின்றோம்.” 

மிக முக்கியமான பொருளாதார மையமாகத் திகழும் இரத்தினபுரி, வர்த்தகச் செயற்பாடுகள், தொழில்முயற்சி, மற்றும் வீட்டு வங்கிச்சேவை தேவைகள் என பலதரப்பட்டவற்றுக்கு உதவி வருகின்றது. இந்நகரத்தில் தனது மேம்படுத்தப்பட்ட இருப்பின் மூலமாக, வாடிக்கையாளர்கள் மத்தியில் மாற்றம் கண்டு வருகின்ற நிதித் தேவைகளை நிறைவேற்றும் தீர்வுகளுடன் அவர்களுக்கு தொடர்ந்தும் தனது ஆதரவை வழங்குவதில் DFCC வங்கி மிகவும் சிறப்பான ஸ்தானத்தில் உள்ளது. 

தனது வலையமைப்பை வலுப்படுத்தி, வாடிக்கையாளர்களின் பயணத்தின் ஒவ்வொரு கட்டத்திலும் அணுகல், சௌகரியம், மற்றும் வாடிக்கையாளரை மையப்படுத்திய சேவை ஆகியவற்றை ஒன்றிணைக்கும் வங்கிச்சேவை அனுபவங்களைத் தோற்றுவிப்பதில் DFCC வங்கியின் பரந்துபட்ட முயற்சிகளின் ஒரு அங்கமாக இந்த இடம்மாற்றம் அமைந்துள்ளது.