படைப்பாற்றல், புத்தாக்கம் மற்றும் தொழில்முயற்சியாண்மை மனப்பான்மையைக் கொண்டாடுவதற்காக வடிவமைக்கப்பட்ட முதன்மையான வருடாந்த நவநாகரிக கொண்டாட்ட நிகழ்வான VogueFest’26-ஐ, தொடர்ந்து மூன்றாவது முறையாக ஆரம்பிப்பதை SLIIT Business School மகிழ்ச்சியுடன் அறிவித்துள்ளது. கவர்ச்சியைக் காண்பிக்கும் ஒய்யார நடை நிகழ்வைத் தாண்டி, கல்வி மேன்மையை நவநாகரிக உலகின் துடிப்பான பண்புடன் இணைக்கும் செல்வாக்குமிக்க ஒரு தளமாக VogueFest உருவெடுத்துள்ளது. இது வளர்ந்து வரும் திறமையாளர்கள் தொழில்துறை தலைவர்களுடன் தொடர்புகளை ஏற்படுத்திக்கொள்ளவும், கலைத்திறன் வணிக மூலோபாயத்துடன் ஒன்றிணையவும் ஒரு தனித்துவமான இடத்தை வழங்குகிறது. 

இந்த தீர்க்கதரிசனத்தின் மையத்தில், ஐக்கிய இராச்சியத்தின் Manchester Metropolitan University-ன் Manchester Fashion Institute-ஆல் வழங்கப்படும், உலகளவில் அங்கீகரிக்கப்பட்ட கற்கைநெறியான BSc (Hons) Fashion Business and Management பட்டப்படிப்பு அமைந்துள்ளது. வேகமாக வளர்ந்து வரும் உலகளாவிய நவநாகரிகத் துறையின் தேவைகளைப் பூர்த்தி செய்யும் வகையில் இந்தப் பட்டம் குறிப்பாக வடிவமைக்கப்பட்டுள்ளது. இத்துறையில், வணிகங்கள் எவ்வாறு சிந்திக்கின்றன, உருவாக்குகின்றன மற்றும் செயல்படுகின்றன என்பதை வாடிக்கையாளர்கள் தீர்மானிக்கும் சந்தர்ப்பம் பெருமளவில் அதிகரித்துள்ளது. அதிநவீன நவநாகரிக அறிவை முக்கிய வணிகத் திறன்களுடன் ஒருங்கிணைப்பதன் மூலம், படைப்பாற்றல், சந்தைப் போக்குகள் மற்றும் மூலோபாயரீதியாக முடிவெடுத்தல் ஆகியவற்றின் சிக்கலான இடைவினைகளைக் கையாளக்கூடிய எதிர்காலத் தலைவர்களாக மாணவர்கள் சிறந்து விளங்க இத்திட்டம் அவர்களைத் தயார்படுத்துகிறது. இந்தக் கல்விசார் நோக்கத்திற்கு உயிரூட்டம் கொண்ட ஒரு சான்றாக VogueFest திகழ்கிறது. இது வகுப்பறையில் கற்ற பாடங்களை ஒரு ஆற்றல்மிக்க, யதார்த்த உலக நவநாகரிக காட்சிப்படுத்தலின் மூலம் உயிர்ப்பிக்கிறது. 

VogueFest’26 என்பது வெறுமனே ஒரு நவநாகரிக காட்சி மட்டுமல்ல, அது அடுத்த தலைமுறை வடிவமைப்பாளர்கள், மாடல்கள் மற்றும் தொழில்முயற்சியாளர்களைக் கொண்டாடும் ஒரு நிகழ்வாகும். இந்த நிகழ்வு, வளரும் வடிவமைப்பாளர்களுக்கும் மாடல்களுக்கும் தங்கள் தொலைநோக்கினை பரந்தளவிலான பார்வையாளர்கள் முன்வைக்க ஒரு துடிப்பான மற்றும் தொழில்முறைரீதியான மேடையை வழங்குகிறது. நவநாகரிகம் மற்றும் வணிகத் துறையில் எதிர்காலத் தலைவர்களை வளர்ப்பதில் SLIIT Business School-இன் அர்ப்பணிப்பை இது வலுப்படுத்துகிறது. இந்த ஆண்டு நிகழ்ச்சியில் Best Designer, Best Male Model, Best Female Model, Most Popular Male Model, மற்றும் Most Popular Female Model உள்ளிட்ட பல அற்புதமான பிரிவுகள் இடம்பெறும். பார்வையாளர்களின் ஈடுபாட்டையும் சமூகப் பங்களிப்பையும் ஊக்குவிக்கும் வகையில், “Most Popular” என்ற விருது, நுழைவுச்சீட்டு அடிப்படையிலான வாக்குப்பதிவு மற்றும் சமூக ஊடக வீச்சு ஆகியவற்றின் புதுமையான கலவையின் மூலம் தீர்மானிக்கப்படும். இது திறமைகளை அங்கீகரிப்பதில் பொதுமக்களின் குரல் முக்கிய பங்கு வகிப்பதை உறுதி செய்கிறது. இந்த நிகழ்வின் கவர்ச்சியையும் கௌரவத்தையும் மேலும் கூட்டும் விதமாக, இலங்கையின் நவநாகரிகத் துறையில் மிகவும் புகழ்பெற்ற ஆளுமைகளில் ஒருவரான திருமதி ரொஸான் டயஸ் அவர்களால் இது வடிவமைக்கப்படும். அவரது பரந்த அனுபவமும் கலைத்திறனும் இந்த நிகழ்ச்சிக்கு ஒரு நேர்த்தியான தொடுதலைக் கொண்டுவந்து, நேர்த்தியும் தொழில்முறையும் நிறைந்த ஒரு மறக்க முடியாத சூழலை உருவாக்கும். 

முக்கியமான ஒய்யார நடைப் பிரிவுகளுக்கு மேலதிகமாக, Emerging Fashion Entrepreneur of the Year, மற்றும் VogueFest Sketch Showcase ஆகிய இரண்டு திறந்த போட்டிப் பிரிவுகளுடன் தனது எல்லையை VogueFest’26 விரிவுபடுத்துகிறது. இந்தப் பிரிவுகள், பன்முகத்தன்மையைக் கொண்டாடுவதற்கும், படைப்பாற்றல் தேடலை ஊக்குவிப்பதற்கும், நவநாகரிகத் துறையில் உள்ள பாரம்பரிய விதிமுறைகளுக்கு சவால் விடும் புதுமையான வணிக சிந்தனைகளை முன்னிலைப்படுத்துவதற்கும் இந்த நிகழ்வின் அர்ப்பணிப்பைப் பிரதிபலிக்கின்றன. VogueFest என்பது வெறும் ஒரு நிகழ்வு மட்டுமல்ல, அது எதிர்காலத் தொழில்துறைத் தலைவர்களுக்கான ஒரு வளர்ப்பு மையமாகவும், கல்வித்துறைக்கும் தொழில்முறை உலகத்திற்கும் இடையிலான ஒரு பாலமாகவும் விளங்குகிறது. முன்னணி வடிவமைப்பாளர்கள், வர்த்தகநாமங்கள் மற்றும் துறைசார் வல்லுநர்களுடன் இணைந்து பணியாற்றுவதற்கான வாய்ப்புகளை மாணவர்களுக்கு வழங்குவதன் மூலம், கற்கைநெறித் திட்டங்கள் எவ்வாறு யதார்த்த உலகில் தாக்கத்தை ஏற்படுத்த முடியும் என்பதை இந்த நிகழ்வு நிரூபிக்கிறது. இது, நவநாகரிக கலை மற்றும் வணிகத்தில் திறமையானவர்களாக மட்டுமல்லாமல், போட்டி நிறைந்த உலகளாவிய சந்தையில் தலைமை தாங்குவதற்கும் தயாராக இருக்கும் பட்டதாரிகளை உருவாக்கும் BSc (Hons) Fashion Business and Management பட்டத்தின் சாராம்சத்தை உள்ளடக்கியுள்ளது. VogueFest’26-க்கான ஏற்பாடுகள் தீவிரமடைந்து வரும் நிலையில், இந்த முக்கிய நிகழ்வை மாபெரும் வெற்றியாக மாற்ற இணைந்து செயல்பட முன்வருமாறு நவநாகரிக வர்த்தகநாமங்கள், துறை சார்ந்த தலைவர்கள் மற்றும் நிறுவனக் கூட்டாளர்களுக்கு SLIIT Business School அன்புடன் அழைப்பு விடுக்கிறது. 

இலங்கையின் வளர்ந்து வரும் படைப்பாற்றல் மிக்க திறமையாளர்களுடன் வணிக நிறுவனங்கள் தொடர்புகொள்வதற்கான தனித்துவமான வாய்ப்புகளை வழங்குவதோடு, புத்தாக்கம், பரஸ்பரத் தொடர்பு மற்றும் அறிவுப் பரிமாற்றம் ஆகியவற்றிற்கான ஒரு துடிப்பான களமாகவும் இந்நிகழ்வு திகழ்வதை உறுதிசெய்ய இத்தகைய கூட்டு முயற்சிகள் மிக அவசியமானவை. VogueFest’26-உடன் இணைவதன் மூலம், இத்துறையைச் சார்ந்தவர்கள் நவநாகரிக உலகின் எதிர்காலத்தை வடிவமைப்பதிலும், புதிய தலைமுறை வடிவமைப்பாளர்கள், மாடல்கள் மற்றும் தொழில்முயற்சியாளர்களின் வளர்ச்சிக்கான பங்களிப்பை வழங்குவதிலும் முக்கிய பங்காற்ற முடியும். கூட்டு முயற்சிகள் மற்றும் கூட்டாண்மை வாய்ப்புகள் குறித்த விபரங்களுக்கு, உமேஷா தாபரே அவர்களை umesha.d@sliit.lk என்ற மின்னஞ்சல் முகவரி மூலமாகவோ அல்லது +94 76 659 6276 என்ற தொலைபேசி இலக்கத்தின் மூலமாகவோ தொடர்பு கொள்ளவும். VogueFest’26 நிகழ்வானது 2026-ஆம் ஆண்டு ஆகஸ்ட் 28-ஆம் திகதி மாலபே SLIIT வளாகத்தில் நடைபெறவுள்ளது. இது நவநாகரிகத் துறையில் படைப்பாற்றல், பன்முகத்தன்மை மற்றும் புதுமை ஆகியவற்றை முன்னிறுத்தும் ஒரு துடிப்பான தளமாக அமையும். இந்த முயற்சியின் மூலம், கல்விசார் சிறப்பம்சம், படைப்பாற்றல் மற்றும் புதுமைக்கான துணிச்சலான தேடல் ஆகியவற்றின் மீதான தனது உறுதிப்பாட்டை SLIIT Business School மீண்டும் உறுதிப்படுத்துகிறது. நவீன பாணி (ஸ்டைல்), திறமை மற்றும் உலகளாவிய நவநாகரிகச் சூழலை மாற்றியமைப்பதில் கல்வியின் ஆற்றல் ஆகியவற்றைச் சிறப்பிக்கும் ஒரு மறக்க முடியாத நிகழ்வாக இது அமையவுள்ளது.