தேசிய தகவல் தொடர்பாடல் தொழில்நுட்பத் தீர்வுகள் வழங்குநரான SLT-MOBITEL, ஒருங்கிணைந்த பாதுகாப்பு மற்றும் வலையமைப்பாக்கத்தின் உலகளாவிய முன்னணியாளரான Versa நிறுவனத்துடன் ஒரு மைல்கல் கைகோர்ப்பை ஏற்படுத்தியுள்ளது. 

இதன் மூலம், தொழில்துறையில் முன்னிலையிலுள்ள SASE (Secure Access Service Edge) தீர்வுகளை வழங்கும் இலங்கையின் முதலாவது Managed Service Provider ஆக (MSP) SLT-MOBITEL திகழ்கின்றது Versa நிறுவனத்துடனான இந்தக் கூட்டணியின் ஊடாக, SLT-MOBITEL அடுத்த தலைமுறைக்கான SASE தொழில்நுட்பத்தை உள்நாட்டுத் தொழில்முயற்சி நிறுவனங்களுக்கு அறிமுகப்படுத்துவதுடன், டிஜிட்டல் யுகத்தில் வணிகங்களுக்கு வலுவூட்டுவதற்கான உலகத்தரம் வாய்ந்த தீர்வுகளையும் வழங்குகின்றது. நாட்டின் முதன்மை டிஜிட்டல் உருமாற்றத் தலைவர் என்ற வகையில், வலையமைப்பாக்கம் மற்றும் பாதுகாப்புத் துறைகளில் உலகளாவிய முன்னணியாளர்களுடன் கைகோர்ப்பதன் மூலம், இலங்கைத் தொழில்முயற்சி நிறுவனங்களை உலகளாவிய தொழில்நுட்பத்தின் முன்னிலையில் வைத்திருப்பதற்கான SLT-MOBITEL நிறுவனத்தின் மூலோபாய அர்ப்பணிப்பை இந்தப் பங்காண்மை வெளிப்படுத்துகின்றது. 

இலங்கையில் Versa நிறுவனத்தின் அதிநவீன SASE தீர்வுகளை வழங்குவதற்கும், அவற்றை ஒருங்கிணைப்பதற்கும் ஆதரவளிக்கும் வகையில், SLT-MOBITEL நிறுவனம், Connex Information Technologies (Pvt) Ltd ஐ தனது உள்நாட்டுச் செயலாக்கக் பங்காளராக நியமித்துள்ளது. 

Versa தொழில்நுட்பத்தின் மூலம் இயக்கப்படும் SLT-MOBITEL SASE தீர்வு, வணிக நிறுவனங்களின் முக்கியமான தரவுகள் மற்றும் applicationsகளை பாதுகாப்பதற்கும், அதிக agility உடன் கூடிய cloud-first கட்டமைப்புகளை நோக்கி மாறுவதற்கும் துணையாக அமைகின்றது. அத்துடன், வெவ்வேறு இடங்களில் பரந்து வாழும் பணியாளர்களிடையேயான செயல்பாட்டுத் திறனை மேம்படுத்துவதுடன், பலதரப்பட்ட வலையமைப்பு மற்றும் பாதுகாப்புச் செயல்பாடுகளை ஒரே தீர்வின் கீழ் ஒருங்கிணைப்பதன் மூலம் வணிகச் செயல்பாடுகளை எளிமைப்படுத்துகின்றது. SLT-MOBITEL நிறுவனத்தின் இந்தத் தலைமைத்துவ வழிகாட்டலின் ஊடாக, வாடிக்கையாளர்கள் நிறுவனத்தரத்திலான பாதுகாப்பு, மேம்பட்ட வலையமைப்பு நெகிழ்வுத்தன்மை மற்றும் எளிமைப்படுத்தப்பட்ட வணிகச் செயல்பாடுகளைக் குறைந்த செலவில் பெற்றுக்கொள்ள முடியும்.