JXG (ஜனசக்தி குழுமம்) இன் துணை நிறுவனமான First Capital Holdings PLCஇன் செல்வ முகாமைத்துவப் பிரிவான First Capital Asset Management Limited (FCAM) ​​அண்மையில் களனிப் பல்கலைக்கழகத்தில் அதன் Professional Fund Management குறுகிய கால பாடநெறியை நிறைவு செய்தது. இது பல்கலைக்கழகத்தின் வணிகவியல் மற்றும் முகாமைத்துவக் கற்கைகள் பீடத்தைச் சேர்ந்த நிதியியல் திணைக்கள மாணவர்களுக்காக நடத்தப்பட்டது. 

கல்வி கற்றலை தொழில் நிபுணத்துவத்துடன் இணைக்கும் வகையில், இத் திட்டம் பங்கேற்பாளர்களுக்கு நிதி முகாமைத்துவம் மற்றும் முதலீட்டு கோட்பாடுகள் பற்றிய நடைமுறை நுண்ணறிவுகளை வழங்கும் நோக்கில் வடிவமைக்கப்பட்டிருந்தது. பங்கேற்பாளர்கள் பாடத்திட்டத்தை வெற்றிகரமாக பூர்த்தி செய்ததை அங்கீகரித்து, சான்றிதழ் வழங்கும் விழாவுடன் இந்நிகழ்வு நிறைவேறியது.