Oct 20, 2026 - 01:39 PM
By யாழ். நிருபர் பிரதீபன்
By யாழ். நிருபர் பிரதீபன்
விஜயதசமி தினத்தை முன்னிட்டு, யாழ்ப்பாணம் தெல்லிப்பளை துர்க்காதேவி அம்மன் தேவஸ்தானத்தில் மாணவர்களுக்கான ஏடு தொடக்கல் நிகழ்வு இன்று (20) இடம்பெற்றது.
ஆலயத்தில் மானம்பூத் திருவிழா நிறைவடைந்ததைத் தொடர்ந்து, தெல்லிப்பளை துர்கா தேவி அம்மன் தேவஸ்தானத்தின் தலைவர் ஆறு திருமுருகன் அவர்களால் மாணவர்களுக்கு ஏடு தொடக்கி வைக்கும் நிகழ்வு நடைபெற்றது.
கல்விப் பயணத்தைத் தொடங்கும் மாணவர்கள் கல்வியில் சிறந்து விளங்கவும், ஞானமும் அறிவும் பெற்று வாழ்வில் உயரவும் வேண்டி இந்நிகழ்வு பக்திபூர்வமாக முன்னெடுக்கப்பட்டது.
விஜயதசமி தினத்தில் கல்வி மற்றும் புதிய முயற்சிகளை ஆரம்பிப்பது சிறப்பானதாகக் கருதப்படும் நிலையில், மாணவர்களின் கல்வி வளர்ச்சியை முன்னிறுத்தி இந்த ஏடு தொடக்கல் நிகழ்வு இடம்பெற்றது.