Oct 26, 2026 - 06:08 PM
நிலவும் சீரற்ற காலநிலை காரணமாகக் களுத்துறை, தொடங்கொடை பிரதேச செயலாளர் பிரிவுக்குட்பட்ட தெபுவன, மாபடவத்தை தோட்டம் ஒன்றின் லயன் குடியிருப்புத் தொகுதி மீது பாரிய மரம் ஒன்று முறிந்து விழுந்துள்ளது.
மரம் முறிந்து விழுந்ததன் காரணமாக அந்த லயன் குடியிருப்பில் உள்ள ஐந்து குடும்பங்களைச் சேர்ந்தோர் பாதிக்கப்பட்டுள்ளதாக தெரிவிக்கப்படுகின்றது.
13 தமிழ் குடும்பங்கள் வசசிக்கும் இந்த லயன் குடியிருப்பு, தொடங்கொட பிரதேச செயலகப் பிரிவின் 809A தெபுவன மேற்கு கிராம உத்தியோகத்தர் பிரிவுக்குட்பட்டதாகும்.
பாதிக்கப்பட்ட மக்களுக்கு நிவாரணம் வழங்கும் பணிகளுக்கு மத்தியில், களுத்துறை மாவட்ட அனர்த்த முகாமைத்துவ ஒருங்கிணைப்புப் பிரிவு மற்றும் தொடங்கொடை பிரதேச சபை ஆகியன இணைந்து முறிந்து விழுந்த மரத்தை அகற்றும் பணிகளைத் துரிதமாக முன்னெடுத்து வருகின்றன.