Nov 8, 2026 - 03:47 PM
தெனியாய, பெவரலிய பகுதியில் உள்ள 'கலேதொல' என்ற இயற்கை நீரோடையில் நீராடச் சென்று நீரில் மூழ்கி காணாமல்போன நான்கு இளைஞர்களில் மேலும் ஒருவரின் சடலம் இன்று (8)கண்டெடுக்கப்பட்டுள்ளது.
கொள்ளுப்பிட்டியிலுள்ள தனியார் கணினி நிறுவனம் ஒன்றில் பணிபுரியும் 7 இளைஞர்கள் அடங்கிய குழுவினர் நேற்று தெனியாய, பெவரலிய பகுதிக்கு சுற்றுலா சென்றுள்ளனர்.
அங்கு அக்குழுவில் 6 பேர் கலேதொல பகுதியில் நீராடச் சென்ற நிலையில், அவர்களில் நால்வர் நீரில் மூழ்கி காணாமல்போயிருந்தனர்.
காணாமல்போனவர்களைத் தேடும் பணிக்காக கடற்படை, பொலிஸார் மற்றும் பிரதேச மக்கள் இணைந்து தேடுதல் நடவடிக்கையைத் தொடங்கினர்.
இன்று (08) மேற்கொள்ளப்பட்ட விரிவான தேடுதல் நடவடிக்கைகளின்போது, இன்று காலை இரண்டு சடலங்கள் கண்டெடுக்கப்பட்டதுடன், அதனைத் தொடர்ந்து பிற்பகலில் மேலும் ஒருவரின் சடலம் இவ்வாறு மீட்கப்பட்டுள்ளது.
நீரில் மூழ்கி காணாமல்போயுள்ள மேலும் ஒரு இளைஞரை தேடி, தொடர்ந்தும் தேடுதல் நடவடிக்கைகள் முன்னெடுக்கப்படுகின்றன.