Nov 12, 2026 - 11:47 AM
உலகின் முன்னணி தொழில்நுட்ப நிறுவனமான Nvidiaவின் பிரதம நிறைவேற்று அதிகாரி (CEO) ஜென்சன் ஹுவாங்கை பதவியிலிருந்து நீக்குவது குறித்து அந்நிறுவனத்தின் பணிப்பாளர் சபை ஆலோசித்து வருவதாக அமெரிக்க ஊடகங்கள் செய்தி வெளியிட்டுள்ளன.
நிறுவனத்தின் உயர்மட்ட பெண் அதிகாரி ஒருவருடன் ஜென்சன் ஹுவாங்கிற்கு மற்றுமொரு திருமணத்துக்கு அப்பாற்பட்ட உறவு இருந்ததாக 'நியூயோர்க் டைம்ஸ்' செய்தி வெளியிட்டதைத் தொடர்ந்து, Nvidia நிறுவனத்தின் பங்குகள் பாரிய வீழ்ச்சியைச் சந்தித்துள்ளன.
சீன உளவாளி எனச் சந்தேகிக்கப்படும் அலிஸ் ஹுவாங் என்பவருக்கும் ஜென்சன் ஹுவாங்கிற்கும் இடையிலான உறவு குறித்து Nvidia நிறுவனம் ஏற்கனவே உள்ளக விசாரணையொன்றை ஆரம்பித்துள்ளதுடன், அமெரிக்க மத்திய புலனாய்வுப் பணியகமும் (FBI) இது குறித்து விசாரணைகளை முன்னெடுத்து வருகின்றது.
முன்னதாக இந்த வார ஆரம்பத்தில், தாம் தனது மனைவிக்குத் துரோகம் இழைத்ததை ஒப்புக்கொண்ட ஜென்சன் ஹுவாங், அதற்காக தனது மனைவி மற்றும் பிள்ளைகளிடம் பகிரங்கமாக மன்னிப்புக் கோரியிருந்தார்.
Apple நிறுவனத்திற்கு அடுத்தபடியாக உலகின் இரண்டாவது பெறுமதிமிக்க நிறுவனமாகத் திகழும் Nvidia செயற்கை நுண்ணறிவுத் (AI) துறையின் இதயமாகக் கருதப்படுகின்றது.
அந்த நிறுவனத்தின் அபரிமிதமான வெற்றிக்கு ஜென்சன் ஹுவாங் மிக முக்கிய காரணமாக இருந்துள்ள நிலையில், அவர் பதவி நீக்கப்பட்டால் அவருக்குப் பதிலாக அந்த இடத்தை நிரப்பக்கூடிய தகுதியான மாற்று நபர்கள் மிகவும் குறைவாகவே உள்ளனர் எனத் தொழில்நுட்ப ஆய்வாளர்கள் சுட்டிக்காட்டுகின்றனர்.