இந்தியாவில் தங்கம் விலை கடந்த ஒரு மாதத்தில் 'கிடுகிடு' வென உயர்ந்து வருவதை பார்க்க முடிகிறது. ரூபா 60,000 தொட்டுவிடுமோ? என்று நினைத்ததெல்லாம் மாறி இப்போது ரூ.65,000 தொட்டுவிடுமோ? என நினைக்க வைத்துவிட்டது. அந்த அளவுக்கு அதன் விலை அதிகரித்து வருகிறது.

கடந்த 1 ஆம் திகதி, தங்கத்தின் விலை வரலாறு காணாத ஒரு புதிய உச்சத்தை எட்டியது. அன்று ஒரு கிராம் தங்கம் ரூ. 7,790 இற்கும், ஒரு சவரன் ரூ.62,320 இற்கும், விற்பனை செய்யப்பட்டது. இதனை தொடர்ந்து தங்கம் விலை ஒவ்வொரு நாளும் புதிய உச்சத்தை அடைகிறது.

இந்த நிலையில், வார இறுதிநாளான இன்று (08) தங்கம் விலை உயர்ந்துள்ளது. கிராமுக்கு ரூபா 15 உயர்ந்து ஒரு கிராம் தங்கம் ரூபா 7,945 இற்கும், சவரனுக்கு 120 ரூபாய் உயர்ந்து ஒரு சவரன் ரூ.63,560-க்கும் விற்பனையாகிறது.

வெள்ளி விலையில் மாற்றமில்லை. ஒரு கிராம் வெள்ளி 107 ரூபாய்க்கும், பார் வெள்ளி ஒரு லட்சத்து ஏழாயிரம் ரூபாய்க்கும் விற்பனை செய்யப்படுகிறது.