செல்வத்தை அள்ளி தரக்கூடிய சுக்கிர பகவான் பிப்ரவரி 1 ஆம் திகதி முதல் மீன ராசியில் உள்ள பூரட்டாதி நட்சத்திரத்தில் சந்திக்கிறார். தொடர்ந்து மார்ச் 2 ஆம் திகதி, இந்த நட்சத்திரத்தில் வக்கிர பெயர்ச்சியை மேற்கொள்ள உள்ளார். ஏப்ரல் ஒன்றாம் திகதி வரை இந்த நட்சத்திரத்தில் சஞ்சரிக்கக் கூடிய சுக்கிரன் சில ராசிகளுக்கு பலவிதத்தில் நன்மைகள் தரக்கூடியவராக அமைய உள்ளார். எந்தெந்த ராசிகளுக்குக் குபேர யோகம் கிடைக்கும் என பார்ப்போம்.

ரிஷபம்

ரிஷப ராசியை சேர்ந்தவர்களுக்குச் சுக்கிரன் பூரட்டாதி நட்சத்திரத்தில் சஞ்சரிக்கக்கூடிய காலத்தில் பல விதத்தில் நன்மைகள் தரக்கூடியதாக அமையும். உங்களின் ஆசைகள் நிறைவேறும். வேலை மற்றும் வியாபாரம் தொடர்பாக நிறைய நன்மைகள் பெறுவீர்கள்.

நண்பர்களுடன் மகிழ்ச்சியாக நேரத்தைச் செலவிட வாய்ப்பு கிடைக்கும். அதிர்ஷ்டங்கள் உங்கள் கதவை தட்டும். சமூகத்திலும், பணியிடத்திலும் மதிப்பு மரியாதை அதிகரிக்கும். பணியிடத்தில் இலக்கை அடைய பிறரின் உதவி கிடைக்கும். நீண்ட நாள் ஆசைகள் நிறைவேறும்.

கடகம்

கடக ராசிக்கு சுக்கிரனின் அமைப்பு பலவிதத்தில் நன்மைகள் தரக்கூடியதாக அமையும். குறிப்பாக கல்வி, ஆன்மீகம், அதிர்ஷ்டம் உங்களுக்கு துணையாக நிற்கும். பொன், பொருள் சேர்க்கை உண்டாகும். நீண்ட கால ஆசைகள் நிறைவேறி மகிழ்வீர்கள்.

ஆன்மீகத்தில் ஆர்வம் அதிகரிக்கும். குடும்பத்தினருடன் நேரத்தை செலவிடவும், அவர்களுடன் யாத்திரை செல்ல வாய்ப்பு உள்ளது. வீடு, வாகனம் போன்ற சொத்து வாங்குவது தொடர்பான முயற்சிகள் வெற்றி அடையும். அதிர்ஷ்டத்தின் முழு ஆதரவைப் பெறுவீர்கள்.

மீனம்

மீன ராசியில் சுக்கிர பகவான் உச்ச பலன் தரக்கூடியவர். இந்த காலத்தில் நீங்கள் செய்யக்கூடிய வேலை, தொழில் என எந்த துறையாக இருந்தாலும் அதில் மகத்தானதாக வெற்றியை அடைய முடியும். நீண்ட காலமாக நிலுவையில் உள்ள வேலைகளை முடிக்க முடியும். கலைத்துறை. ஊடகம் உள்ளிட்டவர்கள் உங்களின் படைப்பாற்றல் மேம்படும்.

பணியிடத்தில் உங்கள் யோசனைகள் பாராட்டப்படும். இதனால் வாழ்க்கையில் நிறைய தன லாபமும், மகிழ்ச்சியும் அடைவீர்கள். உங்கள் குடும்பத்திற்கு மிகவும் சிறப்பான காலமாக அமையும்.