வேத ஜோதிடத்தின்படி, சில ராசிக்காரர்கள் குடும்ப பொறுப்புகளை நிறைவேற்றுவதிலும், அலுவலக பணிகளிலும் மிகவும் புத்திசாலியாக செயல்படுவார்கள். அவர்களின் IQ எனும் நுண்ணறிவு திறன் அதிகமாக இருக்கும் என்று நம்பப்படுகிறது. ராசி அதிபதிகள் மற்றும் கிரகங்களின் அடிப்படையில் சில ராசிகளுக்கு ஆளுமை மற்றும் இயல்பு கணிக்கப்படுகிறது. அதனடிப்படையில் தொழில், வேலையில் எப்படி அதிபுத்திசாலிகளாகச் செயல்படுவார்கள். அவர்களின் சாதுர்யத்தனத்தால் வேலைகளை எளிதாக முடிக்கின்றனர், உறவுகளைப் பேணுவதில் இவர்களின் செயல்பாடு என பல்வேறு விஷயங்களில் சிறப்பாக செயல்படக்கூடிய 5 ராசிகளைப் பற்றி இங்கு பார்ப்போம்.

மிதுனம்

மிதுன ராசிக்காரர்கள் மிகவும் புத்திசாலிகளாக கருதப்படுகிறார்கள். அதனால் எதையும் விரைவில் கற்றுக்கொள்வார்கள். நல்ல பேச்சாளர்களாகவும் இருப்பார்கள். அவர்களின் இனிமையான பேச்சால் கடினமான சூழலையும் சமாளிப்பார்கள். கலைத்துறை உள்ளிட்ட பல விஷயங்களில் ஆர்வம் இருக்கும். அவர்களின் கற்கும் திறன், மாற்றி யோசிக்கக்கூடிய திறன் அவர்களை மிகவும் புத்திசாலிகளாக காட்டுகிறது. சூழலை கையாளும் திறனால் திருமண வாழ்க்கையில் வெற்றி பெறுவார்கள். அவர்களின் முயற்சியால் தொழில் வாழ்க்கையிலும் வெற்றி பெறுவார்கள். உத்தியோகஸ்தர்கள் அலுவலகத்தில் எல்லோரிடமும் நல்ல அபிப்ராயத்தை ஏற்படுத்துவார்கள்.

கன்னி

ஒவ்வொரு வேலையையும் கச்சிதமாக முடிக்கக் கூடியவர்கள். கன்னி ராசிக்காரர்கள் எல்லாவற்றையும் கூர்ந்து கவனிப்பார்கள். அவர்களின் நுண்ணறிவு திறனின் அளவும் அதிகமாக இருக்கும். அவர்கள் எல்லாவற்றையும் ஆழமாகப் பார்ப்பார்கள். பிரச்சனைகள், புதிர்களைத் தீர்ப்பதில் அவர்களுக்கு விருப்பம் அதிகம். எனவே, கன்னி ராசிக்காரர்கள் துல்லியமான திட்டமிட்டு எந்த ஒரு வேலையையும் செய்வார்கள். கணிதம், அறிவியல் மற்றும் ஆராய்ச்சி போன்ற துறைகளில் சிறப்பாக செயல்படுவார்கள். தங்களின் வேலை மற்றும் முக்கியமான பணிகளில் கவனம் செலுத்த முடியும். எதையும் சமாளிக்கக்கூடிய மன தைரியம், புத்திசாலித்தனம் இவர்களிடம் இருப்பதால் சாதனை படைக்கக் கூடிய நபர்களாக விளங்குவார்கள்.

விருச்சிகம்

விருச்சிக ராசியை சேர்ந்தவர்களின் தனி சிறப்பு அவர்களின் மன உறுதி மற்றும் ஒரு விஷயம் குறித்த மதிப்பிடும் திறன் தான். இவர்கள் இயல்பிலேயே புதிய விஷயங்கள் கற்பது, செய்வதில் ஆர்வம் அதிகமாக இருக்கும். எந்த ஒரு விஷயத்தை ஆழமாகச் சிந்திக்க கூடியவர்கள். சிறந்த ஆராய்ச்சியாளர்களாகவும், துப்பறிவாளராக, உளவியலாளர்களாக செயல்படுவார்கள். அதனால் எந்த ஒரு விஷயங்களை ஆழமாகச் சிந்தித்து செயல்படுவார்கள். இவர்களிடம் புத்திசாலித்தனம் மிகவும் அதிகமாக இருக்கும்.பிறரால் கடினமான விஷயம் என சொல்லக்கூடிய செயல்களை மிக எளிதாக செய்து விடக் கூடிய திறன் இவர்களிடம் இருக்கும். மற்றவர்களிடம் மிக எளிதாகப் பழகக்கூடிய திறன் இவர்களிடம் இருக்கும்.

தனுசு

தனுசு ராசியை சேர்ந்தவர்கள் சாகச மனநிலை கொண்டவர்கள். இவர்கள் அலுவலக அரசியலை சாதுரியமாக கையாளக் கூடியவர்கள். அதனால் பணி இடத்தில் எப்படிப்பட்ட பிரச்சனை இருந்தாலும் அதை சமாளித்து முன்னேறுவார்கள். தொழில் தொடர்பான விஷயங்களில் நிபுணத்துவம் பெற்றவர்களாக இருப்பார்கள். மேலும் அரசியல் துறையில் இருந்தால் இவர்களின் செல்வாக்கு மிக அதிகமாகவே இருக்கும். இவர்கள் வாழ்க்கையில் நிர்ணயத்தை இலக்கை அடைவதற்காக கடினமாக உழைப்பார்கள். புதிய நண்பர்களை உருவாக்குவதிலும், புத்திசாலித்தனத்தாலும் அலுவலகத்தில் எல்லோருக்கும் பிடித்த நபராக இருப்பார்கள். இவர்களின் வியூகம் மற்றும் உளவியல் புரிதல் சூழலை சிறப்பாக கையாளும் மனநிலையை தரும்.

கும்பம்

கும்ப ராசி சேர்ந்தவர்களின் IQ அளவு அதிகமாக இருக்கும். அதனால் ஒரு கடினமான வேலையே செய்து முடிக்க வழக்கத்திற்கு மாறாக சிந்தித்து எளிதாக செய்வதோடு, அதில் வெற்றியும் பெறுவார்கள். பிரச்சனைகளுக்கு தீர்வு காண்பதில் நிபுணர்களாக இருப்பார்கள். பெரும்பாலும் முதலீடு சார்ந்த விஷயத்தில் சிறப்பாக செயல்பட்டு லாபத்தை ஈட்டுவார்கள். இவர்களின் புதிய சிந்தனை, யோசனை, புதிய விஷயங்களை கற்றுக் கொள்ளும் திறன் வாழ்க்கையில் நிபுணத்துவத்தைப் பெற்றவராக இருப்பார்கள். அதனால் கும்ப ராசியினரின் குடும்ப வாழ்க்கை மற்றும் வேலை தொடர்பான விஷயத்தில் சிறப்பான முன்னேற்றத்தை பெறுவார்கள்.