காதலுக்கு கண்ணில்லை, காதல் புனிதமானது, காதல் என்னும் பூ ஒருமுறை தான் பூக்கும் என்று விதவிதமான வனசங்கள் சொல்லிக் கேட்டிருப்போம். ஆனால் 80 களில் இருந்த காதலுக்கும் 90 கிட்ஸ்களின் காதலுக்குமே நிறைய வித்தியாசம் இருக்கிறது. 

2k கிட்ஸ், gen Z இளைஞர்கள் சொல்லும் காதல் இலக்கணம் வேறு. ஆனால் இப்போது ஸ்பெயினில் பைனாப்பிள் டேட்டிங் என்று ஒன்று டிரெண்டாகி வருகிறது. அது என்ன பைனாப்பிள் டேட்டிங், அது நம்ம நாட்டுக்கு சரிவருமா? வாங்க பார்த்திடலாம். 

இன்றைய மாறிவரும் காலகட்டத்தில் இளைஞர்கள் டேட்டிங் செயலிகளில் ப்ரபோஸ் செய்வது, காதல் செய்வது என்று இருக்கிறார்கள். ஆனால் ஸ்பெயினில் பழங்களின் உதவியால் தங்களுடைய துணையைத் தேடுகிறார்கள். பைனாப்பிளை வைத்தே தங்கள் துணையைக் கண்டுபிடிப்பதும் காதலின் ஆழம் எவ்வளவு என்பதையும் கண்டுபிடிக்கிறார்களாம். வாங்க அது எப்படினு பார்க்கலாம். 

கண்ணும் கண்ணும் பார்க்க காதல் மலர்வது என்று தொடங்கி, காலங்கள் மாற மாற சமூக ஊடகங்கள் வந்தன, புகைப்படங்கள் பகிர்வது என்றாகி அதன் அடுத்தகட்டமாக டேட்டிங் ஆப்கள் வரத் தொடங்கிவிட்டன. ஆனால் இந்த 2025 ஆம் ஆண்டில் நீங்கள் யோசித்தே பார்க்க முடியாத ஒன்றுதான் இப்போது ஸ்பெயினில் நடக்கிறது. 

Pineapple Dating என்றால் என்ன? 

பைனாப்பிள் டேட்டிங் என்பது ஒருவர் தங்களுடைய காதலரைத் தேடுவதற்கான டெக்னிக். 

சூப்பர் மார்க்கெட்டில் இருந்து தான் இது தொடங்குகிறது. ஒருவர் ஒரு பைனாப்பிளை எடுத்து தலைகீழாக தன்னுடைய டிராலியில் வைத்துக் கொண்டு டிராலியை தள்ளிக் கொண்டு கடையைச் சுற்றி வரலாம். இப்படி தலைகீழாக அன்னாசி பழத்தை வைத்திருந்தால் காதலரைத் தேடிக் கொண்டிருக்கிறார்கள் என்று அர்த்தம். 

வேறு யாரேனும் ஒருவர் இதேபோல பைனாபிளை தலைகீழாக வைத்துக் கொண்டு அந்த டிராலியை உங்கள் டிராலி மீது வந்து இடித்தால் உங்களைப் பிடித்திருக்கிறது என்று அர்த்தம். அதன்பிறகு இருவரும் சேர்ந்து தங்களுக்குள் பேசிக் கொள்வதற்கு க்ளப், பஃப், ரெஸ்டாரண்ட் என்று செல்லலாம். ஸ்பெயினில் பெரும்பாலும் மதுக்கடைக்கு சென்று ஒயின் சாப்பிட்டுக் கொண்டே தங்களுக்குள் உரையாடலைத் தொடங்குகிறார்கள். 

எங்கிருந்து இது தொடங்கியது? 

உண்மையில், ஸ்பெயினில் உள்ள திருமணமாகாதவர்கள் ஆன்லைன் டேட்டிங் செயலிகளை பெரிய அளவில் கைகொடுக்காத நிலையில், தங்களுடைய காதல் துணையைக் கண்டறிய இப்படியொரு ஒரு தனித்துவமான ஆஃப்லைன் முறையைப் பின்பற்றி வருகிறார்கள். 

ஸ்பெயினில் உள்ள மெர்கடோனா என்னும் சூப்பர் மார்க்கெட் ஒன்றில் தான் முதலில் இந்த டெக்னிக்கை ஒருவர் தொடங்கி வைத்திருக்கிறார். 

இது மிக எளிமையான, அதேசமயம் சுவாரஸ்யமான டெக்னிக்காக இருந்ததால் மக்களும் இதை தொடர்ந்து பின்பற்றத் தொடங்கிவிட்டார்கள்.