Jun 2, 2025 - 07:04 PM -
0
இந்திய தமிழக துணை முதல்வரும், திமுக இளைஞரணி செயலாளருமான உதயநிதி ஸ்டாலினுக்கு திடீர் உடல்நலக்குறைவு ஏற்பட்டதாக தமிழக அரசு அறிவித்துள்ளது.
நேற்று (02) கடுமையான காய்ச்சல் மற்றும் தொடர் இருமல் காரணமாக உதயநிதி ஸ்டாலின் வைத்தியசாலையில் சிகிச்சை பெற்று வருவதாக தகவல்கள் தெரிவிக்கின்றன.
வைத்தியர்கள் அவருக்கு ஓய்வு எடுக்க அறிவுறுத்தியுள்ளனர். இதன் காரணமாக, உதயநிதி ஸ்டாலின் பங்கேற்கவிருந்த அரசு நிகழ்ச்சிகள் தற்காலிகமாக ஒத்திவைக்கப்பட்டுள்ளன.
தமிழக அரசு வெளியிட்ட அறிக்கையில்,
'துணை முதல்வர் உதயநிதி ஸ்டாலின் உடல்நலம் தற்போது சீராக உள்ளது. வைத்தியர்களின் ஆலோசனையின்படி, அவர் முழு ஓய்வு எடுத்து வருகிறார்.
விரைவில் அவர் முழு உடல்நலத்துடன் பொது நிகழ்ச்சிகளில் பங்கேற்பார்,' எனத் தெரிவிக்கப்பட்டுள்ளது.
இந்தச் செய்தி சமூக வலைதளங்களில் வைரலாகி, உதயநிதியின் உடல்நலம் குறித்து ரசிகர்கள் மற்றும் தொண்டர்கள் கவலை தெரிவித்து, விரைவில் குணமடைய விருப்பங்களை தெரிவித்து வருகின்றனர்.
இந்நிலையில், அவரது உடல்நிலை குறித்து வதந்திகள் பரவாமல் இருக்குமாறு தமிழக அரசு மக்களுக்கு வேண்டுகோள் விடுத்துள்ளது.
