செய்திகள்
சந்தேகத்திற்குரிய ஜீப் வாகனம் ஒன்று கணேமுல்லவில் கண்டுபிடிப்பு
Aug 6, 2025 - 06:12 PM -
0
கணேமுல்ல பகுதியில் சட்டவிரோதமாக அசெம்பிள் செய்யப்பட்ட சுமார் 30 மில்லியன் ரூபா மதிப்புள்ள சொகுசு ஜீப் வாகனம் ஒன்று கண்டுபிடிக்கப்பட்டுள்ளது.
வலான மத்திய ஊழல் ஒழிப்பு பிரிவுக்கு கிடைத்த இரகசிய தகவலின் அடிப்படையில் நடத்தப்பட்ட சோதனையின் போது இந்த ஜீப் வாகனம் கண்டுபிடிக்கப்பட்டதாக தெரிவிக்கப்படுகிறது.
குறித்த வாகனமானது அப்பகுதியில் நன்கு அறியப்பட்ட வாகன பழுது பார்க்கும் நிலையமொன்றின் உரிமையாளரிடம் இருந்து கண்டுபிடிக்கப்பட்டதாகக் கூறப்படுகிறது.
மீட்கப்பட்ட ஜீப் வாகனம் மேலதிக விசாரணைக்காக கணேமுல்ல பொலிஸாரிடம் ஒப்படைக்கப்பட்டுள்ளது.
