49 வருடங்களாக சினிமாவில் பயணித்து வரும் நடிகை ராதிகா சரத்குமார் நடிப்பில் சமீபத்தில் வெளிவந்து மாபெரும் வெற்றியடைந்துள்ள திரைப்படம்தான் தாய் கிழவி. இப்படத்தை அறிமுக இயக்குநர் சிவகுமார் முருகேசன் இயக்கியிருந்தார். 

மேலும், நடிகர் சிவகார்த்திகேயன் இப்படத்தை தயாரித்திருந்தார். இப்படத்தில் ராதிகாவுடன் இணைந்து சிங்கம்புலி, ரேச்சல் ரெபேக்கா, முத்துக்குமார், அருள்தாஸ், முனீஸ்காந்த், பால சரவணன் என பலரும் நடித்திருந்தனர். 

ரசிகர்களிடையே நல்ல வரவேற்பை பெற்ற இப்படம் உலகளவில் முதல் நாளில் இருந்து வசூலை வாரிக்குவித்து வருகிறது. 

தாய் கிழவி 24 நாட்களை வெற்றிகரமாக பாக்ஸ் ஆபிஸில் கடந்துள்ள நிலையில், இதுவரை செய்துள்ள வசூல் குறித்து தகவல் வெளியாகியுள்ளது. அதன்படி, தாய் கிழவி படம் இதுவரை உலகளவில் 83 கோடி ரூபாயும், தமிழ்நாட்டில் 60 கோடி ரூபாவுக்கும் மேலும் வசூல் செய்துள்ளது.