அசுரன் திரைப்படத்தில் தனுஷுக்கு மகனாக நடித்து பிரபலமானவர் கென் கருணாஸ். முதல் படத்திலேயே இவருக்கு நல்ல வரவேற்பு கிடைத்தது. இதை தொடர்ந்து வாத்தி, விடுதலை 2 ஆகிய திரைப்படங்களில் முக்கிய கதாபாத்திரத்தில் நடித்தார். 

இதன்மூலம் இவர் மீது எதிர்பார்ப்பு உண்டானது. இவர் எப்போது ஹீரோவாக அறிமுகமாவார் என ரசிகர்கள் எதிர்பார்த்த நிலையில், யூத் திரைப்படத்தின் மூலம் ஹீரோவாகவும், இயக்குநராகவும் தமிழ் சினிமாவில் காலடி எடுத்து வைத்துள்ளார். 

முதல் படத்திலேயே மாபெரும் வெற்றியையும் தன்வசப்படுத்திய கென்னுக்கு பாராட்டுக்கள் குவிந்து வருகின்றன. யூத் திரைப்படத்தின் வசூல் குறித்து முதல் நாளில் இருந்தே பார்த்து வருகிறோம். 

இந்நிலையில், 17 நாட்களில் இப்படம் உலகளவில் 70 கோடி ரூபாவுக்கும் மேல் வசூல் செய்துள்ளதாக தகவல் வெளியாகியுள்ளது. இனி வரும் நாட்களிலும் இப்படத்தின் வசூல் வேட்டை தொடரும் என எதிர்பார்க்கப்படுகிறது.