நடிகை ராஷ்மிகா மந்தனா திருமணமான ஒரே மாதத்தில் தனது சமூக வலைதள பக்கத்தில் பகிர்ந்துள்ள புகைப்படம் ஒன்று பெரும் சர்ச்சையை ஏற்படுத்தியுள்ளது. அவர் கர்ப்பமாக இருக்கிறாரா என ரசிகர்கள் கேள்வி எழுப்பி வரும் நிலையில், அந்தப் பதிவின் உண்மைத் தகவல் இதோ, 

ராஷ்மிகா மந்தனா கர்ப்பமாக இருக்கிறாரா? இந்த கேள்வியை ரசிகர்கள் கேட்டு வருகின்றனர். பிப்ரவரி 26, 2026 அன்று உதய்பூரில் தனது நீண்ட நாள் காதலர் விஜய் தேவரகொண்டாவை ராஷ்மிகா திருமணம் செய்தார். இப்போது அவர் பகிர்ந்த ஒரு போஸ்ட் வைரலாகி வருகிறது. 

சமீபத்தில் ராஷ்மிகா ஒரு அனிமேஷன் வீடியோவை பகிர்ந்தார். அதில் அவரும் விஜய்யும் கார்ட்டூன் வடிவில் இருக்க, கூடவே ஒரு மஞ்சள் பூவும் இருந்தது. 'நாங்கள் இப்போது மூவர்' என்ற கேப்ஷன் இணையத்தில் தீயாகப் பரவியது. ரசிகர்கள் இதை குழந்தை பிறக்கப்போவதற்கான அறிவிப்பு என நினைத்துக்கொண்டனர். 

ராஷ்மிகாவின் போஸ்ட்டை பார்த்ததும், பலர் இது கர்ப்ப அறிவிப்பு என்று நம்புகின்றனர். ஒரு ரசிகர், 'வாழ்த்துகள் டியர்' என்று பதிவிட்டுள்ளார். மற்றொருவர், 'கல்யாணத்துக்கு ஏன் இவ்வளவு அவசரம்னு இப்போ புரியுது' எனக் கூறியுள்ளார். 'நீங்க கர்ப்பமா ரஷ்மிகா?' என்றும் சிலர் கேட்டுள்ளனர். 'ஒரு மாசத்துல புதுமண தம்பதியிலிருந்து பெற்றோரா... என்ன ஒரு பயணம்' என்றும் கமெண்ட்கள் வந்தன. ஆனால் ஒரு சிலரோ, 'அவர் கர்ப்பமாக இல்லை, அவருக்குப் பிடித்த சூரியகாந்தி பூவைத்தான் குறிப்பிடுகிறார்' என விளக்கம் அளித்துள்ளனர். 

சோஷியல் மீடியாவில் இந்த வதந்திகள் வைரலாகி வந்தாலும், கர்ப்பம் குறித்து இதுவரை அதிகாரப்பூர்வ அறிவிப்பு எதுவும் வரவில்லை. தகவல்களின்படி, இந்த போஸ்ட் எந்தவொரு தனிப்பட்ட அறிவிப்பும் இல்லை என்று கூறப்படுகிறது. அதனால், 'ராஷ்மிகா கர்ப்பம்' என்ற செய்தி தற்போதைக்கு ஒரு யூகம்தான். 

கிடைத்த தகவல்களின்படி, வீடியோவில் காட்டப்பட்ட மூன்றாவது உறுப்பினர் அந்த மஞ்சள் பூ தான். இது ரஷ்மிகாவின் ஒரு கிரியேட்டிவ் கதை சொல்லும் முறை. இது ஒரு உணர்ச்சியையோ அல்லது கலை வெளிப்பாட்டையோ குறிக்கிறது, குழந்தை வரப்போவதை அல்ல. 

ராஷ்மிகா மந்தனா தற்போது பல ப்ராஜெக்ட்களில் பிஸியாக இருக்கிறார். ஷாஹித் கபூர் மற்றும் கிருத்தி சனோனுடன் 'காக்டெய்ல் 2', விஜய் தேவரகொண்டாவுடன் 'ரணபாலி', மற்றும் அல்லு அர்ஜுனுடன் AA22XA6, 'புஷ்பா 3: தி ராம்பேஜ்' போன்ற படங்கள் அவரது வரிசையில் உள்ளன.