நடிகரும், தமிழக வெற்றிக் கழகத்தின் தலைவருமான விஜய் எதிர்வரும் தமிழக சட்டசபைத் தேர்தலில் போட்டியிடுகின்றார். 

அவர் நடித்த ஜனநாயகன் படத்தை வௌியிடுவதற்காக தணிக்கை சான்றிதழ் வழங்கப்படாது தொடர்ந்தும் இழுத்தடிப்பு செய்யப்பட்டிருந்தது. 

இது குறித்து நீதிமன்றம் வரை சென்றும் படத்தை வௌியிடுவதற்கான வாய்ப்புகள் கிடைத்திருக்கவில்லை. 

இந்நிலையில் தமிழக சட்டசபைத் தேர்தல் எதிர்வரும் 23 ஆம் திகதி இடம்பெறவுள்ளதாக அறிவிப்புகள் வௌியானது. விஜய்யும் தேர்தல் பரப்புரையில் ஈடுபடும் வேலைகளில் மும்முரமாக இறங்கினார். 

இதனால் ஜனநாயகன் படம் இந்த தேர்தலுக்கு பின்னர் திரையில் வௌியாகும் என எதிர்பார்க்கப்பட்டது. 

குறித்த சூழலில் ஜனநாயகன் திரைப்படம் திரைக்கு வருவதற்கு முன்னரே முழுபடமும் கடந்த வௌ்ளிக்கிழமை சமூக வலைத்தளங்களில் லீக் ஆனது. 

அதனை அறிந்த படக்குழுவினரும், தயாரிப்பு நிறுவனம் அதிர்ச்சி அடைந்தனர். 

படம் முன்கூட்டியே லீக்கானதால் கே.வி.என் ப்ரடெக்ஸன் தயாரிப்பு நிறுவனத்திற்கு பல கோடி ரூபாய் நஷ்டம் ஏற்பட்டுள்ளதாக தெரிவிக்கப்படுகிறது. 

இந்நிலையில் தயாரிப்பு நிறுவனத்தின் நஷ்டத்தை ஈடு செய்வதற்காக புதிய படத்தில் நடித்து கொடுக்க விஜய் அதிரடி முடிவு செய்துள்ளதாக தகவல்கள் வௌியாகியுள்ளன. 

அந்தப் படத்தை நெல்சன், அட்லி அல்லது லோகேஷ் ஆகியோரில் ஒருவர் இயக்குவார்கள் என குறிப்பிடப்படுகின்றது. 

இது விஜய்யின் கடைசிப் படமாக இருக்கும் என தெரிவிக்கப்படுகின்றது.