கொமர்ஷல் வங்கியானது நாட்டின் அடுத்த கட்ட பொருளாதார மாற்றத்துக்கு ஆதரவளிக்கும் தனது அர்ப்பணிப்பை வெளிப்படுத்தும் வகையில், Port City கொழும்பில் முழுமையான கிளையொன்றை நிறுவும் ஒப்பந்தத்தில் கையெழுத்திட்ட இலங்கையின் முதல் வங்கிகளில் ஒன்றாக மாறியுள்ளது. இது, நாட்டில் உருவெடுத்து வரும் சர்வதேச நிதியியல் கட்டமைப்பிற்கான வங்கியின் மூலோபாய விரிவாக்கத்தில் முக்கியமான முன்னேற்றமாகக் கருதப்படுகிறது. 

முன்மொழியப்பட்டுள்ள இந்த கிளையானது, முழுமையான வங்கிக் கிளையாக செயல்பட்டு, Port City கொழும்பு சூழலில் இயங்கும் நிறுவனங்கள், முதலீட்டாளர்கள், வர்த்தகங்கள் மற்றும் சில்லறை வாடிக்கையாளர்களின் தேவைகளுக்கு ஏற்ப பரந்தளவிலான தயாரிப்புகள் மற்றும் சேவைகளை வழங்கும். இவை டிஜிட்டல் வங்கி வசதிகள், வர்த்தக சேவைகள், வெளிநாட்டு நாணய பரிவர்த்தனைகள், நிறுவன வங்கி தீர்வுகள், வைப்புத் திட்டங்கள், கடன் வசதிகள், அட்டை சேவைகள் மற்றும் பணப்பரிமாற்ற வசதிகள் ஆகியவற்றை உள்ளடக்கும். Port City கொழும்புக்குள் தனது இருப்பை நிறுவுவதன் மூலம், எல்லை கடந்த வர்த்தகம் மற்றும் முதலீட்டு ஓட்டங்களை ஆதரிக்கும் தனது திறனை மேலும் வலுப்படுத்துவதே வங்கியின் நோக்கம் என தெரிவிக்கப்பட்டுள்ளது. அதேசமயம், சிறப்பு பொருளாதார வலயத்தில் செயல்படவுள்ள உலகளாவிய முதலீட்டாளர்கள், பன்னாட்டு நிறுவனங்கள் மற்றும் உயர் நிகர மதிப்பு கொண்ட நபர்களின் நுணுக்கமான தேவைகளை பூர்த்தி செய்யும் வகையில் தன்னை நிலைநிறுத்துவதையும் இது நோக்கமாகக் கொண்டுள்ளது. 

இந்த முன்னேற்றமான முயற்சியைப் பற்றி கருத்து தெரிவித்த கொமர்ஷல் வங்கியின் முகாமைத்துவப்பணிப்பாளர் ஃபிரதம நிறைவேற்று அதிகாரி திரு. சனத் மனதுங்க, Port City கொழும்புக்குள் முழுமையான கிளையொன்றை நிறுவும் வங்கியின் தீர்மானம், இந்த திட்டத்தின் மீது அதன் நீண்டகால நம்பிக்கையையும், உலகளாவிய ஒருங்கிணைந்த நிதிச் சூழலின் வளர்ந்து வரும் தேவைகளை ஆதரிக்கத் தயாராக இருப்பதையும் பிரதிபலிக்கிறது எனக் கூறினார். 

இலங்கையின் மிகப்பெரிய தனியார் துறை வங்கியாக, நிறுவனங்கள், சர்வதேச வாடிக்கையாளர்கள் மற்றும் உயர் பெறுமதியுடைய வர்த்தகங்களுக்கு சேவை வழங்குவதில் வலுவான அனுபவத்துடன் திகழும் நாம் Port City கொழும்பினை நாட்டின் பொருளாதார எதிர்காலத்தில் ஒரு முக்கியமான முன்னேற்றமாக கருதுகிறோம், எனவும் அவர் கூறினார். 

இந்த சிறப்பு பொருளாதார வலயத்தில் எமது இருப்பானது, எல்லை கடந்த பரிவர்த்தனைகளை தடையின்றி ஆதரிக்கவும், சர்வதேச வர்த்தகம் மற்றும் முதலீட்டை எளிதாக்கவும், முன்னேற்றமான டிஜிட்டல் திறன்களால் ஆதரிக்கப்படும் உலகத் தரமான வங்கி சேவைகளை வழங்கவும் எங்களை இயலுமைப்படுத்தும். Port City கொழும்புக்குள் முழுமையான சேவை கிளையை அமைக்கும் திட்டத்தை முதன்மையான வங்கிகளில் ஒன்றாக அதிகாரப்பூர்வமாக்குவதானது, நிதி புத்தாக்கங்களை முன்னெடுப்பதிலும் தேசிய வளர்ச்சிக்கு ஆதரவளிப்பதிலும் எமது முன்னணி பங்கை மீண்டும் உறுதிப்படுத்துகிறது. 

நகரத்தை உருவாக்குவதைத் தாண்டி, எங்கள் பிரதான அபிவிருத்தியாளர் பங்கு உள்ளது. இது ஒரு செயல்படும் சர்வதேச வர்த்தக மற்றும் நிதி நிலையத்திற்கான அடித்தளங்களை உருவாக்குவதைப் பற்றியது ஆகும். என்று CHEC Port City (பிரைவேட்) லிமிடெட்டின் முகாமைத்துவப்பணிப்பாளரான திரு. சியோங் ஹொங்ஃபெங் கூறினார். Port City கொழும்புக்குள் கொமர்ஷல் வங்கி போன்ற நிறுவனங்கள் அமைவது இந்த செயல்முறையின் முக்கிய அம்சமாகும். ஏனெனில் இது ஆரம்ப நிலையிலேயே அந்த சூழலுக்கு நடைமுறை செயல்பாட்டுக்கான ஆழத்தையும் நம்பகத்தன்மையையும் கொண்டு வருகிறது. இது திட்டத்தின் விரிவான முன்னேற்றத்தையும், இலங்கையில் மேலும் உலகளாவிய இணைப்புடைய, முதலீடு சார்ந்த பொருளாதாரத்திற்கான வளர்ந்து வரும் மாற்றத்தையும் பிரதிபலிக்கிறது. 

கொமர்ஷல் வங்கியானது, இலங்கையில் அமெரிக்க டொலர் 1 பில்லியனுக்கும் அதிகமான சந்தை மூலதனத்தைக் கொண்ட முதலாவது வங்கியாகவும் உலகின் தலைசிறந்த 1000 வங்கிகளின் பட்டியலில் முதன் முதலாக உள்ளடக்கப்பட்ட இலங்கையின் வங்கியாகவும் திகழ்கின்றது. கொமர்ஷல் வங்கியானது, இலங்கை வங்கித் துறையில் அதிக சந்தை மூலதனத்தைக் கொண்டுள்ளதுடன், மிகப்பெரிய தனியார் துறை கடன் வழங்குநராகவும், SME துறைக்கு மிகப்பெரிய கடன் வழங்குநராகவும் உள்ளது. Business Today இதழின் Top 40 தரவரிசையில் முதலிடம் பெற்றுள்ள கொமர்ஷல் வங்கியானது, இலங்கையில் மிகவும் மதிப்பிற்குரிய வங்கியாக அங்கீகரிக்கப்பட்டுள்ளதுடன், அதிக விருதுகளை வென்ற வங்கியாகவும் திகழ்கின்றது. மேலும், டிஜிட்டல் புத்தாக்கங்களில் முன்னணியும் வகிக்கும் கொமர்ஷல் வங்கியானது, இலங்கையின் முதலாவது 100% கார்பன்-நடுநிலை பேணும் வங்கியுமாகும். 

கொமர்ஷல் வங்கியானது நாடு முழுவதும் 270ற்கும் மேற்பட்ட தந்திரோபாயரீதியாக அமைக்கப்பட்ட கிளைகள் மற்றும் தானியங்கி இயந்திரங்களின் வலையமைப்பைச் செயற்படுத்திவருகின்றது. மேலும், பங்களாதேஷில் 21 கிளைகள், மாலைதீவில் பெரும்பான்மையான பங்குகளைக் கொண்ட ஒரு முழுமையான Tier I வங்கி, மியான்மாரில் ஒரு நுண்நிதி நிறுவனம் என சர்வதேச ரீதியில் பரந்தளவில் தடம் பதித்த இலங்கையின் வங்கியாகத் தன்னை நிலைநிறுத்தியுள்ளது. துபாய் சர்வதேச நிதியியல் மையத்தில் (DIFC) ஒரு பிரதிநிதி அலுவலகத்தை நிறுவுவதற்கு துபாய் சர்வதேச நிதியியல் சேவைகள் அதிகாரசபையிடமிருந்து அனுமதிபெற்றதுடன் இவ் மைல்கல்லை எட்டிய இலங்கையின் முதல் வங்கியாகத் தன்னைப் பதிவுசெய்துள்ளது. மேலும்,வங்கியின் முழுமையான உரித்துடைய துணை நிறுவனங்களான CBC Finance PLC மற்றும் Commercial Insurance Brokers (Pvt) Limited ஆகியவையும் தங்கள் சொந்த கிளை வலையமைப்புகள் மூலம் பல்வேறு நிதிச் சேவைகளை வழங்குகின்றன.