உலகக் கிண்ண நாக்-அவுட் சுற்றுகளில் அதிக கோல்கள் அடித்து பிரேசிலின் ரொனால்டோ நசாரியோ மற்றும் லியோனிடாஸ் ஆகியோரின் சாதனைகளை எம்பாப்பே முறியடித்துள்ளார். 

உலகக் கிண்ண கால்பந்து தொடரில் இன்று (01) நடைபெற்ற 2 ஆவது சுற்று ஆட்டத்தில், பிரான்ஸ் அணி 3 - 0 என்ற கோல் கணக்கில் சுவீடன் அணியை வீழ்த்தியது. இந்த போட்டியில் பிரான்ஸ் நட்சத்திர வீரர் கைலியன் எம்பாப்பே 2 கோல்களை அடித்து அணியின் வெற்றியில் முக்கிய பங்கு வகித்தார். 

இந்த இரண்டு கோல்களின் மூலம், நடப்பு உலகக் கிண்ண தொடரில் அதிக கோல்கள் அடித்த வீரர்களுக்கான 'கோல்டன் பூட்' பட்டியலில் எம்பாப்பே மொத்தம் 6 கோல்களுடன் லியோனல் மெஸ்சிக்கு இணையாக முன்னிலை வகித்து வருகிறார். 

அதேநேரத்தில், உலகக் கிண்ண நாக்-அவுட் சுற்றுகளில் எம்பாப்பே அடித்த கோல்களின் எண்ணிக்கை 10 ஆக உயர்ந்துள்ளது. 

இதன் மூலம், உலகக் கிண்ண நாக்-அவுட் போட்டிகளில் அதிக கோல்கள் அடித்த வீரர்கள் பட்டியலில் பிரேசிலின் ரொனால்டோ நசாரியோ மற்றும் லியோனிடாஸ் ஆகியோரின் சாதனைகளை முறியடித்து, எம்பாப்பே புதிய வரலாற்று சாதனையை படைத்துள்ளார். 

உலகக் கிண்ண நாக்-அவுட் சுற்றுகளில் அதிக கோல்கள் அடித்த வீரர்கள், 

எம்பாப்பே (பிரான்ஸ்) - 10 கோல்கள் 

ரொனால்டோ நசாரியோ (பிரேசில்) - 8 கோல்கள் 

லியோனிடாஸ் (பிரேசில்) - 8 கோல்கள் 

மேலும், உலகக் கிண்ண போட்டிகளில் அதிக கோல்கள் அடித்த வீரர்கள் பட்டியலில் 19 கோல்களுடன் லியோனல் மெஸ்சி முன்னிலையில் உள்ள நிலையில், 18 கோல்களுடன் எம்பாப்பே அவரை நெருங்கி வருவது குறிப்பிடத்தக்கது.