இலங்கையில் நிலையான கழிவு முகாமைத்துவத்தின் முன்னோடியான INSEE Ecocycle, மதிப்புமிக்க ISO 10004:2018 – வாடிக்கையாளர் திருப்தி முகாமைத்துவ அமைப்பு சான்றிதழைப் பெற்ற நாட்டின் முதலாவது கழிவு முகாமைத்துவ நிறுவனமாக மாறியுள்ளது. இது வாடிக்கையாளர் திருப்தியின் மிக உயர் தரங்களுக்கான நிறுவனத்தின் அர்ப்பணிப்பையும், பின்னூட்டங்களைப் பொறுப்புடன் கையாளும் அதன் திறனையும், சேவைத் தரத்தை தொடர்ச்சியாக உயர்த்துவதற்கான அதன் அர்ப்பணிப்பையும் வெளிப்படுத்துகின்றது. 

நிலையான வணிக வளர்ச்சியின் மையத்தில் வாடிக்கையாளர் திருப்தி இருப்பதாக INSEE Ecocycle உறுதியாக நம்புகிறது. ISO 10004:2018ஐ அடைவதில், INSEE Ecocycle ஆனது அதன் அனைத்து செயல்பாடுகளிலும் வாடிக்கையாளர்களை மையமாகக் கொண்ட நடைமுறைகளை உட்பொதித்து, விசேடத்துவத்தை ஊக்குவித்து, பொறுப்புக்கூறல் மற்றும் பங்குதாரர் நம்பிக்கையை மேம்படுத்தி தொழில்துறைக்கு புதிய அளவுகோலை அமைத்துள்ளது. 

ISO 10004:2018 சான்றிதழைப் பெற்றிருப்பதன் மூலம் வாடிக்கையாளர்களை மையமாகக் கொண்ட அணுகுமுறையை எமது அனைத்து செயற்பாடுகளிலும் முன்னெடுப்பதில் INSEE Ecocycle கொண்டுள்ள உறுதிப்பாட்டை இது வெளிப்படுத்துகிறது. இச் சான்றிதழ் எங்கள் சேவைகளில் நம்பிக்கையை பலப்படுத்துவதுடன் வாடிக்கையாளர்கள் மற்றும் பங்குதாரர்களுக்கு நீண்டகால மதிப்பை உருவாக்க நிலையான கழிவு முகாமைத்துவத் தீர்வுகளை வழங்குவதற்கான எமது தொலைநோக்குப் பார்வையை மேலும் வலுப்படுத்துகிறது. என அதன் பிரதம நிறைவேற்று அதிகாரி, Eng. துசித் குணவர்ணசூரிய தெரிவித்தார். 

Ecocycle, சர்வதேச ரீதியில் அங்கீகரிக்கப்பட்ட பல்வேறு சான்றிதழ்களை உள்ளடக்கிய வலுவான சான்றிதழ் தொகுப்பைக் கொண்டுள்ளது. இதில், ISO 14001 – சுற்றுச்சூழல் முகாமைத்துவ அமைப்புகள் (EMS), ISO 45001 – தொழில்சார் சுகாதாரம் மற்றும் பாதுகாப்பு முகாமைத்துவ அமைப்புகள் (OHSMS), ISO 9001 – தர முகாமைத்துவ அமைப்புகள் (QMS) மற்றும் ISO 39001 – வீதிப் போக்குவரத்து பாதுகாப்பு முகாமைத்துவ அமைப்புகள் (RTS) ஆகியவை அடங்குகின்றன. 

இந்த அண்மைய சாதனை மூலம்,, ISO 10004 – தர முகாமைத்துவம் – வாடிக்கையாளர் திருப்தி: கண்காணிப்பு மற்றும் அளவீட்டுக்கான வழிகாட்டுதல்கள் என்ற சான்றிதழும், Ecocycleஇன் தொடர்ந்து விரிவடைந்து வரும் சான்றிதழ் தொகுப்பில் இணைந்துள்ளது.