இலங்கையின் வாகனத் துறையில் முன்னணி நிலையில் இருப்பதை சியெட் (CEAT) மேலும் உறுதிப்படுத்தியுள்ளது. 2026ஆம் ஆண்டுக்கான பிராண்ட் பினான்ஸ் (Brand Finance) நிறுவனத்தின் ‘Sri Lanka 100’ அறிக்கையில், நாட்டின் மிக பெறுமதிமிக்க டயர் வர்த்தகநாமமாகவும், சந்தையில் வலுவான டயர் வர்த்தகநாமமாகவும், அனைத்து துறைகளையும் உள்ளடக்கிய ஒட்டுமொத்த தரவரிசையில் 11ஆவது வலுவான வர்த்தகநாமமாகவும் சியெட் தரவரிசைப்படுத்தப்பட்டுள்ளது. 

உலகின் முன்னணி வர்த்தகநாம மதிப்பீட்டு ஆலோசனை நிறுவனமான Brand Finance வெளியிட்டுள்ள சமீபத்திய அறிக்கையின்படி, 2026 ஜனவரி 1ஆம் திகதியன்று சியெட் வர்த்தகநாமத்தின் பெறுமதி ரூ. 2,544 மில்லியனாக மதிப்பிடப்பட்டுள்ளது. இது 2025ஆம் ஆண்டில் பதிவான ரூ. 2,325 மில்லியனுடன் ஒப்பிடுகையில் குறிப்பிடத்தக்க அதிகரிப்பாகும். ஒட்டுமொத்த வர்த்தகநாம பெறுமதியைப் பொறுத்தவரை, இலங்கையின் 100 மிகவும் பெறுமதிமிக்க வர்த்தகநாமங்களில் சியெட் 43ஆவது இடத்திற்கு முன்னேறியுள்ளது. இது கடந்த ஆண்டுடன் ஒப்பிடுகையில் ஒரு இட முன்னேற்றமாகும். 

சியெட் வர்த்தகநாமத்தின் வர்த்தகநாம வலிமை சுட்டெண் (BSI) மதிப்பெண் 100க்கு 80.3 ஆக இருப்பது, நாட்டின் வலுவான டயர் வர்த்தகநாமமாக அதன் நிலையை மேலும் உறுதிப்படுத்துகிறது. அதேவேளை, முந்தைய ஆண்டுடன் மாற்றமின்றி தொடரும் AAA- (மிகவும் வலுவானது) என்ற வர்த்தகநாம உறுதிக்கான தரமிடல் இலங்கையின் மிகவும் நம்பகமான குடும்பப் பயன்பாட்டு வர்த்தகநாமங்களுக்கு இணையான நிலையில் சியெட் இருப்பதை எடுத்துக்காட்டுகிறது. 

உலகளாவிய அளவிலும், சியெட்டின் வலிமை மேலும் உறுதிப்படுத்தப்பட்டுள்ளது. உலகின் நான்காவது வலுவான டயர் வர்த்தகநாமமாக சியெட் தரவரிசைப்படுத்தப்பட்டுள்ளது. 100க்கு 84.9 என்ற BSI மதிப்பெண், சர்வதேச சந்தைகளில் வர்த்தகநாமத்தின் போட்டித்திறனைத் தெளிவாக எடுத்துக்காட்டுகிறது. 

இந்த சாதனை தொடர்பாக சியெட் களனி நிறுவனத்தின் முகாமைத்துவப் பணிப்பாளரும் பிரதம நிருவாக அதிகாரியுமான ரவி டட்லானி தெரிவிக்கையில்: 'இந்த அங்கீகாரம், நுகர்வோருடனான எமது ஆழமான ஈடுபாட்டையும், ஒவ்வொரு தொடர்புப் புள்ளியிலும் வர்த்தகநாமத்தை தொடர்ந்து கட்டியெழுப்பும் ஒழுக்கத்தையும் பிரதிபலிக்கிறது. நீடித்த வர்த்தகநாம வலிமை என்பது குறுகிய கால வெற்றிகளால் உருவாகுவதல்ல உயர்தர தயாரிப்புகளைத் தொடர்ந்து வழங்குதல், சந்தையின் தேவைகளுக்கு விரைவாகப் பதிலளித்தல் மற்றும் வேகமாக மாறிவரும் சூழலில் தொடர்புடையதாகத் தொடர்ந்து இருப்பதற்கான திறன் ஆகியவற்றின் மூலம் அது கட்டியெழுப்பப்படுகிறது. வர்த்தகநாமத்தின் இருப்பையும் செல்வாக்கையும் தொடர்ந்து விரிவுபடுத்தும் நிலையில், இந்த அடிப்படை அம்சங்களை மேலும் வலுப்படுத்துவதிலேயே எமது கவனம் உறுதியாக உள்ளது. 

ஆண்டுதோறும் 1.6 மில்லியனுக்கும் அதிகமான டயர்களை விற்பனை செய்து வரும் சியெட், பல்வேறு பிரிவுகளில் உள்நாட்டு சந்தையில் முன்னிலை வகிக்கிறது. அதேவேளை, ஐரோப்பா மற்றும் அமெரிக்கா உள்ளிட்ட முக்கிய சந்தைகளை உள்ளடக்கிய 110க்கும் மேற்பட்ட நாடுகளில் தனது உலகளாவிய இருப்பையும் தொடர்ந்து நிலைநிறுத்தி வருகிறது.