இலங்கை மற்றும் இங்கிலாந்து அணிகளுக்கு இடையிலான இரண்டாவது ஒருநாள் சர்வதேச கிரிக்கெட் போட்டி இன்று (24) இடம்பெறுகின்றது. 

போட்டியில் நாணய சுழற்சியில் வெற்றி பெற்ற இலங்கை அணி முதலில் துடுப்பாடத் தீர்மானித்தது. 

இப்போட்டியில் இலங்கை அணியின் தலைவராக குசல் மெண்டிஸ் செயல்படுவதுடன், இங்கிலாந்து அணியை ஹரி புரூக் (Harry Brook) வழிநடத்துகிறார். 

இலங்கை அணி சார்பில் கடந்த போட்டியில் விளையாடிய துஷ்மந்த சமீரவுக்குப் பதிலாக எஷான் மாலிங்க அணியில் சேர்க்கப்பட்டுள்ளார். 

இந்நிலையில் முதலில் துடுப்பாடிய இலங்கை அணி நிர்ணயிக்கப்பட்ட 50 ஓவர்களில் 6 விக்கெட்டுக்களை இழந்து 321 ஓட்டங்களைப் பெற்றுக் கொண்டது. 

இலங்கை அணி சார்பில் துடுப்பாட்டத்தில் குசல் மெண்டிஸ் தமது 7 வது ஒருநாள் சர்வதேச சதத்தினைப் பூர்த்தி செய்தார். 

அவர் இந்தப் போட்டியில் 121 ஓட்டங்களையும், கமிந்து மெண்டிஸ் 54 ஓட்டங்களையும் அதிகபட்சமாக பெற்றுக் கொடுத்தார். 

இந்நிலையில் இங்கிலாந்து அணி 322 என்ற வெற்ற்றியிலக்கை நோக்கி துடுப்பாடவுள்ளது. 

இரு அணிகளுக்கும் இடையிலான முதலாவது போட்டியில் இங்கிலாந்து வெற்றிபெற்ற நிலையில், 3 போட்டிகள் கொண்ட இத்தொடரில் 1-0 என அந்த அணி முன்னிலை வகிக்கிறது.