செய்திகள்
காவி விவகாரம் - விசாரணையில் இருந்து மேன்முறையீட்டு தலைவர் விலகல்
Oct 14, 2026 - 11:58 AM
சிறைத்தண்டனை விதிக்கப்பட்டதைத் தொடர்ந்து, சிறைச்சாலை அதிகாரிகளால் கலகொடஅத்தே ஞானசார தேரரின் காவி உடையை அகற்றுவதற்கு எடுக்கப்பட்டுள்ள தீர்மானத்தை வலுவற்றதாக்கும் உத்தரவொன்றை பிறப்பிக்குமாறு கோரி தாக்கல் செய்யப்பட்டுள்ள மனுக்களை பரிசீலிக்கும் நீதியரசர்கள் குழாமிலிருந்து மேன்முறையீட்டு நீதிமன்றத்தின் தலைவர் நீதியரசர் ரொஹாந்த அபேசூரிய இன்று (14) விலகியுள்ளார்.
இதற்கமைய, குறித்த மனுக்களை பரிசீலிப்பதற்காக மூவர் கொண்ட நீதியரசர்கள் குழாம் ஒன்று பெயரிடப்பட்டுள்ளது.
இந்த குழாமில் அமல் ரணராஜா, மஹேன் கொப்பலாவ மற்றும் பிரியந்த பெர்ணான்டோ ஆகிய நீதியரசர்கள் இடம்பெற்றுள்ளனர்.