தாயக மக்கள் கட்சி இம்முறை பாராளுமன்ற தேர்தலில் 'சர்வஜன அதிகாரம்' என்ற பெயரில் முன்னணியாக களமிறங்குகின்றது என தாயக மக்கள் கட்சியின் யாழ். மாவட்ட அமைப்பாளர் அருண் சித்தார் தெரிவித்தார்.
<br><br>
யாழ்ப்பாணத்தில் இன்று (08) இடம்பெற்ற ஊடகவியலாளர் சந்திப்பின் போதே அவர் மேற்கண்டவாறு தெரிவித்தார்.
<br><br>
இது தொடர்பில் அவர் மேலும் தெரிவிக்கையில்,
<br><br>
இலங்கையின் பழமையான கம்யூனிஸ்ட் கட்சி மற்றும் 6 பிரதான கட்சிகள் இணைந்து ஒரு கூட்டணியாக இந்த தேர்தலை சந்திக்கின்றோம்.
<br><br>
ஆகவே இன்றிலிருந்து நாங்கள் சர்வஜன அதிகாரம் என்ற பெயரை பயன்படுத்துவோம். வாக்குச்சீட்டில் தாயக மக்கள் கட்சி என பிரசுரிக்கப்படாது அதில் சர்வஜன அதிகாரம் என்றே இருக்கும்.
<br><br>
'சர்வஜன அதிகாரம்' என்ற கட்சியின் பெயருக்கு பக்கத்தில் சின்னமாக 'பதக்கம்' இருக்கும். இது மிகவும் முக்கியமான விடயம். எங்களக்கு வாக்களிக்கும் மக்களுக்கு இதனை தௌிவு படுத்துவது மிகவும் முக்கியமானது என தெரிவித்தார்.