இலங்கையின் தேசிய கொடுப்பனவு வலையமைப்பின் செயற்பாட்டாளரான LankaPay இன் ‘JustPay’ தளத்துடன் ஒருங்கிணைக்கப்பட்டதைத் தொடர்ந்து இலங்கையின் கொமர்ஷல் வங்கி மூலம் இயங்கும் ‘Q+’ கொடுப்பனவு செயலியை தற்போது மற்றைய வங்கிகளின் வாடிக்கையாளர்களாலும் பயன்படுத்தப்பட முடியும் என்று கொமர்ஷல் வங்கி தெரிவித்துள்ளது.

JustPay இயங்குதளத்தை ஆதரிக்கும் எந்தவொரு உள்நாட்டு வங்கியின் வாடிக்கையாளர்களும் QR குறியீட்டு பரிவர்த்தனைகள் பில் கொடுப்பனவுகள் நிதியியல் பரிவர்த்தனைகள் மற்றும் Q+ வழியாக செயற்படுத்தப்படும் பிற கட்டண வகைகளுக்கு Q+ கொடுப்பனவு செயலியை பதிவிறக்கம் செய்து பயன்படுத்தலாம் அத்துடன் ஆண்டு முழுவதும் சலுகைகளையும் மேலும் பல நன்மைகளையும் அனுபவிக்க முடியும் என்று கொமர்ஷல் வங்கி தெரிவித்துள்ளது.

இலங்கையில் முதல் LANKA QR சான்றளிக்கப்பட்ட மொபைல் செயலியான Q+ கொடுப்பனவு செயலி ஆனது இலங்கை வர்த்தகர்களுக்கு LANKA QR, ஏனைய QR Mastercard QR Union Pay QR Indian UPI QR மற்றும் Alipay QR ஆகிய ஆறு வகையான QR குறியீடுகளுக்கு இசைவான ஒரே QR கட்டண தீர்வாகும்.

JustPay உடனான அதன் ஒருங்கிணைப்பானது அதன் பயன்பாட்டை பரந்த வாடிக்கையாளர் தளமானது அணுகக்கூடியதாக ஆக்குகிறது இதன் மூலம் வசதியை அதிகரிப்பதுடன் மேலும் உள்ளடக்கிய நிதியியல் சூழலை வளர்ப்பதாகவும் வங்கி தெரிவித்துள்ளது.

டிஜிட்டல் கொடுப்பனவு தொழில்நுட்பத்தை ஏற்றுக்கொள்வதில் முன்னணியில் இருக்கும் கொமர்ஷல் வங்கியானது இலங்கையர்கள் உலகளாவிய முன்னேற்றங்களுக்கமைய வேகத்தை தக்கவைத்துக்கொள்ள முடியும் என்பதை உறுதிசெய்யும் வகையில் இந்தத் துறையில் தொடர்ந்து மேம்படுத்துதல் புத்தாக்கம் மற்றும் விரிவாக்கம் ஆகியவற்றில் கவனம் செலுத்துகிறது. வங்கியின் பிரதம நிறைவேற்றதிகாரியான திரு சனத் மனதுங்க கூறுகையில் Q+ கொடுப்பனவு செயலியை JustPay உடன் இணைப்பது ஒரு சிறந்த உதாரணமாகும். ஏனெனில் இது செயலியின் பயன்பாட்டினை விரிவுபடுத்துவதன் மூலம் அதன் செயல்பாடு மற்றும் அணுகல்தன்மையை கணிசமாக அதிகரிக்கிறது பிற வங்கி நிறுவனங்களின் வாடிக்கையாளர்களுக்கு இந்த முன்னேற்றம் அதிக நிதியியல் உள்ளடக்கம் மற்றும் வசதியை ஊக்குவிக்கிறது அதே நேரத்தில் பயனர்களுக்கு தடையற்ற மிகவும் பாதுகாப்பான மற்றும் திறமையான கட்டண அனுபவத்தை வழங்குகிறது.

JustPay இயங்குதளத்தில் Q+ கொடுப்பனவு செயலியை வரவேற்று LankaPay இன் பிரதம நிறைவேற்றதிகாரி திரு சன்ன டி சில்வா தெரிவிக்கையில்: எங்கள் JustPay வலையமைப்பில் இணையும் 29 வது செயலியாக Q+ கொடுப்பனவு செயலியை வரவேற்பதில் நாங்கள் மகிழ்ச்சியடைகிறோம் இது இலங்கையில் நிதியியல் உள்ளடக்கம் மற்றும் வாடிக்கையாளர்களின் வசதியை மேம்படுத்துவதற்கான மற்றொரு படியாகும். இந்த ஒருங்கிணைப்பு எந்தவொரு வங்கியின் வாடிக்கையாளர்களும் Q+ கொடுப்பனவு செயலி மூலம் கொமர்ஷல் வங்கியின் டிஜிட்டல் கட்டண தளத்தைப் பயன்படுத்த அனுமதிக்கிறது பரந்த வாடிக்கையாளர் தளத்திற்கு பயன்பாட்டின் கிடைக்கும் தன்மையை விரிவுபடுத்துவது ஏற்கனவே உள்ள வர்த்தகர்களுக்கு நன்மைகளை அதிகரிப்பதுடன் மற்றும் புதிய வர்த்தகர்களை Q+ கொடுப்பனவு செயலியுடன் இணைய ஊக்குவிக்கும் மேலும் உள்ளடக்கிய நிதி சூழலை உருவாக்குவது மட்டுமின்றி புதுமைகளை உருவாக்கவும் நம்பகத்தன்மையை வழங்கவும் எங்கள் கூட்டு முயற்சிகளை வலுப்படுத்துகிறது.

கொமர்ஷல் வங்கி இலங்கையின் மிகப் பெரிய தனியார் துறை வங்கி மற்றும் உலகின் சிறந்த 1000 வங்கிகளில் பட்டியலிடப்பட்ட முதல் இலங்கை வங்கியாகும். கொமர்ஷல் வங்கி திறன்மிகு முறையில் அமையப்பெற்ற கிளை வலையமைப்புக்கள் மற்றும் 974 தானியங்கி இயந்திரங்களை கொண்டு இயங்குகின்றது. கொமர்ஷல் வங்கி இலங்கையின் சிறிய மற்றும் நடுத்தர வர்த்தகத் துறைக்கு பாரிய கடனுதவி வழங்குவதோடு நாட்டின் வங்கித் துறையில் டிஜிட்டல் புத்தாக்கங்களில் முன்னணியில் உள்ளது. வங்கியின் வெளிநாட்டு செயற்பாடுகள் பங்களாதேஷை உள்ளடக்கியது அங்கு வங்கி 20 கிளைகளை இயக்குகின்றது: மியன்மார் நய் பியி தாவில் நுண்நிதி நிறுவனத்தினை கொண்டுள்ளது.